Kimlai Khua Fala Mei Nei

Meifar Thuthang

Tedim Peng Kimlai khua (Haikhawl sak) ah nunaunu te cu a meifi ihsin kut zung hnih tia sam a kho ih mi tampi cun mei nei tiah an ti. Asinan mei nei cu si loin sam a si sawn. Amah hi Pu Hang Ling Thang le Pi Kawl Nei Thiam tei fanu a si ih a hmin cu Lal Nun Mawi a si. Anmah hi Khawpual khawsuak an si ih Ngawn hrin an si. Catholic kawhhran ah an um. Lal Nun Mawi cu 2003 kumah a suak ih tu hi kum 9 a ti zo. “ A suah pekah cun a meifi ih sam cu mehtawk can hrawng a si.

A suah ni ah cun kan hmu lo ih a thaisun lawngah kan hmu. Kum 3 a si hrawngah a pi in cuih a sam cu a tansak ih thla thum lai a nat phah. Curuangah kan tan nawn lo. Tu hi dawng khat a kim zik te( A nu in hi can a ti mi zoh in pi khat a kim men ding). A bawngbi sungah a thun ttheu” tiah a pa in Meifar a sim.

Editor in a kawmnakah a thawk pekah cun thuthangih suah an sian lo thu an rel. Asinan thu tlangpi lawng tluangtlam takin kan suah ding thu sim an si tikah a nu le pa khalin an siang. Asinan cuih a sam zuk cu an remti lo. Tingo khaw kiang Ngaungttaw Phungki tlawngah tlawng a rak kai lai khalah an saya in cuih a sam (amei?) cu a zohsak ruangah tlawng a bang ti a si. Tu hi phun hnih a kai lai. Mi hrekkhat cun hihi vantthatnak hmuhsaknak ah an ruat ih a lian leh ding tiih zumtu khal an um.

Comments

comments

Comments

%d bloggers like this: