Kiangkap Thianfainak

April 8

Tlawngkai Nili

Kiangkap Thianfainak

Siar:

Efesa 4:17-32

Nan biak awk tikah ttongkam hraang hmang hlah uh; nan ttongmi a theitu pawl in tthathnemnak an ngah theinak dingin ttong ttha le ttong mawi hmang uh.    -Efesa 4:29

Kumkhat Sung Baibal:

–    1 Samuel 10-12

–     Luka 9:37-62

Kiangkap balhter hi mi hmuahhmuah hrangah thin hnaihnoknak asinan a baal tertu kan si thluh cio.

Kiangkap balhnak hi phun tampi in a ra ih, phunkhat cu theih lem lo a si ttheu. Cumi cu Charles Swindoll in, “ttongkam baal” a si ih phunzaitu, aihramtu le mi ih sual mawhnak lawnglawng a hmutu pawl an si. A ttha lolam lawng hmuhnak in siatnak le tthat lonak lawng a suahter,” a ti.

Khrihfa rualpi hrekkhat pawl tla hivek kiangkap baalternak ih an tel ve hi poi an tizet. Curuangah hrial thei dingin zarhkar khat sung mi soiselnak ttongkam hrimhrim ttong lo dingin thu an kam aw. Cumi caan sung cu an ttong a malzet. Cuih suup awknak an pehzom tikah mi lakih ttong thiamnak an zir saal a ttul.

Efesa 4 sungah, Paul in zumtu pawl kha ttong mawi le ttong ttha lawng ttong dingin a forh hngai. “Thlarau Thianghlim riahsiat tertu nan nun hlun cu hlon uhla (cc. 22, 30), a thianghlimmi nunnak thar (c.24) keng thlang uh,” a ti. Thiang Thlarau ih bomnak kan rinsan lawngah kan nuncan ziaza, kan khuaruahnak le kan ttongkam pawl kan thlengh thei ding (Galati 5:16).

Kan ttongkam baal le borhhlawh pawl hlonfai thei dingin, Pathian ih bomnak thawn thlengh awknak kan hril a ttul. Cumi cu kan thlarau nun thianhlimnak ding thluasuah lamzin tumpi a si. – Joanie Yoder

Ttong ttha lo ziangtik hman ah ttong hlah,

Ttong hraang, thu lolak, zomtaihnak ttong;

Ziangti’n, Bawipa lungawiternak,

Thudik famkim ka ttong thei ding. – Wesley

Kiangkap baalternak cemter dingin na ttong thianghlimter aw.

(Visited 24 times, 1 visits today)

Comments

comments

Comments

%d bloggers like this: