Khulfung Lomnak

February 8

Tlawngkai Nikhat

Khulfung Lomnak

Siar:

2 Peter 3:1-9

Bawipa cu a thukammi kimter dingah a khul a fung a si tiah mihrek in ruat hman hngaisehla, a khul a fung a si lo. Nan parah thinsaunak a neih ruangah a si sawn.    -2 Peter 3:9

Kumkhat Sung Baibal:

–   Puithiam 4-5

–   Matthai 24:29-51

Mi tambik ih duhmi zuam-awknak um sehla, “Zamrang” timi in “tthabik” timi a neh ding ka zum. Leitlun ah zamrangnak duhtu an tambik nain zamrang duhnak in khuihman zamrangin in thlenpi lo.

Carl Honore in, “In Praise of Slowness” timi a cabu sungah, “Zamrangzet ih ziang hmuahhmuah kan tuah duhnak hi ruahsaalnak caan a thleng zo,” tiah a ngan. “Zamrannak cu kan tumtahmi a si ringring cuang lo,” tiah a ti.

Baibal sungah Peter in, “Ni netabik caan ah mi tampi in Pathian cu rinhlelhnak an nei ding. Ziangahtile Amah in ka ra saal ding tiih a tiamkammi a khul a fung a bang ruangah a si, asinan khulfung a bangmi hi kan tthatnak hrangah a si. Ziangahtile pakhatte hman siatral loin mi hmuahhmuah an sualnak ihsin kir saal thei ding a duh ruangah a si,” (2Pet.3:9) a ti. Pathian cu lainatnak le zaangfahnak ih khatmi a si bangin a thin a sau ih thinheng dingah a khul a fung (Suah. 34:6).

Kannih khal ttong le thinhennak ah khulfung mi si uhsi. Zamrannak cu thu theihnak hna hrangah a si (Jeim 1:19). Himi kan zir ngah asile buainak kan hrial thei ding.

Kan hmuitinmi thleng dingah zamrang in thutheihnak nei in, thinhennak le ttongnak ah khulfung uhsi!

Thindai te’n um cu ka hmuitin siseh,

Leitlun mi tthabik pawl ih zawhmi ziin a si;

Thinlung dai te’n um dingih rem ding lawng a si,

Thil hmuahhmuah Pathian duhnak bangin.

Midang hnenih na thin a tawizik tikah,

Pathian ziangtluk na tlunah a thin a sau ti ruat aw.

(Visited 31 times, 1 visits today)

Comments

comments

Comments

%d bloggers like this: