Khuitawk In Ka Thok Ding?

November 10

Tlawngkai Nithum

Khuitawk In Ka Thok Ding?

Siar:

Luke 11:1-10

Mangbang vansaang ih ka umlai ah Bawipa ka ko; Cule Amah in i let.

– Saam 120:1

Kumkhat Sung Baibal:

–   Jeremiah 48-49

–   Hebru 7

Kan dung kum reinawn ah ka mawttaw car cet a thi ih cet ttul loin lamzin hmunsuklam zawh in ka mawng. Lamzin kap ah ka cawl ih, mawttaw sungin ka suak ih a hmailam lusin ka va ong. A engine ka zoh rerolai ah thu ka ruahmi cu: Hih thil hin tampi i tthathnempi. Asinan a thuhla hi zianghman ka thei cuca lo. Khuitawk in cet nunter dingah ka tuah thok ding timi khal ka thei lo.

Thlacam thuhla khal ah a caancaan ah cuvekin “Khuitawk ihsin ka thok ding?” ti thei loin kan um thei men. Curuangah a dungthluntu pawl khal in Jesuh hnenah “thlacam daan in zirh aw” tiah an dil (Luke 11:1). Kan zohtthim dingmi khihhmuhnak tthabik cu Jesuh ih zirhmi le tuah daan hi a si.

Khui hmun ah thla kan cam ding? Jesuh cu Biakinn sungah, nelrawn ramcaar ah (Luke 4), hmun daihrial ah (Matt. 14:22-23), Gethsemani hmuan sungah (Luke 22), thinglamtah parah (Luke 23:34,36) thla a cam. Amah lawngin khal thla a cam ih midang pawl thawn khal in thla a cam. A nun zoh awla cawng aw, na umnak hmun kipah thlacam aw.

Ziang thuhlaso thla kan cam ding? Bawipa thlacamnak sungah Pathian hmin upat ding le vancung ih a duhnak a kim bangin leitlun khalah kim ve dingin dil ding in zirh. Nitin kan ttulmi nunnak rawl, sual ngaidamnak, thil ttha lo le hniksaknak lak ihsin luatnak ding tivek pawl hi dil ding kan si (Luke 11:2-4).

Curuangah thlacam thok dingin hmun ttha na hawl asile Bawipai’ thlacamnak zoh in thlun aw.    – Anne Cetas

Bawipa in kan umnak hmun poh ah,

Thla kan cam thei ti in hmuh;

Na duhnak kim seh kan ti tikah,

Leitlun ah a hnattuan kan hmu ding.   – Sper

Jesuh hman in thlacam a ttul a si ahcun

kannih in ziangruangah malte lawng thla kan cam?

Comments

comments

Comments

%d bloggers like this: