Khui ah so Ka Tlaan Ding?

November 19

Tlawngkai Nikhat

 

Khui ah so Ka Tlaan Ding?

                                                           

Bible Siar Ding: Isaiah 30:1-5

 

Milai rinsan hnakin Bawipa rinsan a ttha sawn.

Leilung uktu pawl rinsan hnakin Bawipa rinsan a ttha sawn.

 Saam 118:8, 9

 

Judah siangpahrang cu ttemttawn in a um. Huham a cakzetmi Assyrian pawl in a uknak an hringhro tikah, Siangpahrang Hezekiah in hril ding pahnih a nei. Bawipa hnenah pan in thu a ron ding maw, asilole amai’ thuron petu pawl ih ruahnak pekmi a ngai sawn ding? Ruahnak petu pawl cun an raal kham le doneh thei dingin Egypt ram va sawm dingin an fial.

Asinan Pathian in Siangpahrang Hezekiah hnenah raalrinnak thu va simtu dingin profet Isaiah a hmang. A thusimmi cu a fiangzet ih a direct nasa: beunak ngahnak dingah midang pawl va rinsan hrimhrim hlah, ti rori a si.

Minung tam sawn in Siangpahrang Hezekiah ih a tuar vek minung nunnak a hringhrotu thil hi kan tong dah lemlo ding. Cucing cun mi tampi cu milai hnen hlir ah tlaan in thuron le beunak hawl kan tum. Cuti ih kan panmi pawl in in humhim thei ngaingai lo tikah kan tuarnaa ih kan thin a har. Kan rualpi pawl le thilri pawl hi Pathian ai-rawl theitu ding an si lo.

Pathian lawng hi a tlasam dah lomi beunak tthabik umsun a si. Kan hril dingmi umsun cu Pathian hnenih tlaanluh ding lawng hi a si ko. Kan dinhmun cu ziangtluk in harsa hmanseh, Amah lawng ih pek theimi zaangfahnak le cahnak in in hruai thei ding a si. 

Duhdawtmi Bawipa, Nangmah siar lo midang hnenih beunak ka hawl ttheumi in ngaidam hram aw. Nangmah lawng hi ka ttulmi himnak le thlangamnak na si zia thei dingin in bawm aw.

Tuni ah ziangmi in so ttih le thinhar ko in tuah? Hih dinhmun ah ziangti’n so Pathian hnenih ka tlaanlut ding?

 

@Pennington

(Visited 31 times, 1 visits today)

Comments

comments

Comments

%d bloggers like this: