Khuangli Khua Thawn Tulo Tiih Ngan Mi Thu Ah ‘FMP’, Chin Thuthang Parah Lungawilo; A Tul Tiah Nemhnget

11900023_707475152717110_7181911987654782517_n

Khuangli Khua

Kuangli khua thawn ding tullo tiih thuhla lengvak cu sutfiang dingin Falam Mino Pawlkom cun August 30 ah Khuangli khua rori ah feh in thuhla zingzoinak an nei sal. Thuhla zohfiangnak le suhfiangnak an neih hnu ah thawn a tul tiah an nemhnget.

A veihnihnak an fehnak san khal Chin Thuthang in Khuangli Khua thawn tullo ding tiin August 27 niih a suah mi cahmai ih a ngan ruangah a si tiah Falam ihsin nitin thuthang cazual suah mi Chinland Herald cun a tarlang.

An khua pacang 26 pawl le khaw bawi pawl thawn tonawknak an neih salih thuhla hi nemhnget mi a si. An thusuhawnak ahcun Khuangli pacang pawl le khawbawi pawl cun ruahtam tuk a sur caan ahcun leitolh le an khua ti khawlnak pawl a khah liam theu thu, an khaw thawn ding an duhnan thawnak ding hmun an fiang awk lo thu pawl le tui dinhmun ah an khua ah leimin le ttihnung a um lo ruangih thuhla an tawlrelnak an manhlap lo thu pawl an rak sim sal.

Falam Mino Pawlkom sungtuan sangtu cun “FMP ih hlawhman neilo in harsa zetih data kan lak mi hi Chin Thuthang pawl hi zianghman ah in ruat lo tiah ka ruat. Thu hmanlo kan ngan pang maw tiah kan data tla tu le tu kan zoh…. Lairelnak kan neih hnu, an khua leikak le min, hydro meisa hmun pawl kan hmuh hnu cun kan thin a nuam sal’ tiah CH hnenah a sim.

Chin Thuthang hin August 27, 2015 ih a thuthang cahmai thoknak ah “Khuangli Khua Thawn a Tuul Timi A Diklo” tiin a ngan. Chin Thuthang cun hi thuhla a theih veten laihlum pawl biaknak a neiih laihlum tu pawl cun kan khua a him, leimin tuar khal kan um lo, khaw thawn khal Pathian zarin kan tullo tiin in sim” tiah a tarlang.

Chinland Today le Vancung Thaihlio ih cangan mi khawthawn ding thu cu a diklo tiah a rak tarlang.#

Comments

comments

Comments

%d bloggers like this: