Khuakhannak Tthabik

June 19
Tlawngkai Nihnihh

Khuakhannak Tthabik

Bible Siar Ding: Seemtirnak 15:1-21

Cutikah Abraham in, “Maw Pathian Bawipa, fa le ka nei lo. Ka hnenih na laksawng cu ziangso a si ding?
– Seem. 15:2

Mizapi lungkimmi fimnak (conventional wisdom) ih in zirhmi cun hlawhtlinnak kan ngah theinak dingah khuakhan lairelnak le tawlrel cianak ttha neih a ttul, ti a si. Khuakhannak ttha cun thil ummi pawl a tthabik ih hmansuah theinak ah mi a bawm ih rin lopi le ruah lopi ih ra theimi sawmngiarnak pawl khal a mal/deemter thei a si.

Pathian in Abram hnenah milian le mi neinung si dingin thluasuah pe dingah thutiamkamnak a nei. Sikhalsehla rocotu dingah tefa le pakhat hman a nei hrih fawn lo. Abram le a nupi Sarah le an tarzet zo ih nau nei thei ding dinhmun an si nawn lo.

Abram in Pathian hnenah tawlrelnak pakhat a hlan. Anih cun cumi sanlai ih anmai’ miphun ih nunphung (culture) la tahrat in tlamtlinter a tum. Pathian cun himi le a dang ruahnak pekmi pawl parah zianghman a lung kimmi a um lo. A thutiamkammi cu Amai’ khuakhan sakmi le ngaihtuah daan lawngin famkimter a duh. Curuangah Pathian cu Abram hnenah hmin dangin – Adonai – Bawipa (Lord) timi in a phuanglang aw.

Abram in Pathian cu, “Bawipa Pathian” ti’n a ko. Anih cu Bawipa – Adonai – ti’n kawh co theinak sinak a nei. Abram ih tuah ding umsun cu Bawipa ih thupekmi ngai ding lawng hi a si. Abram vekin kannih tla kan nitin nun ah Bawipa ih tawlrel saknak lawng ngai le thlun ding kan si. Amah cu kan Bawipa a si, kan parah thuneinak authority a nei. Kannih ih ttuanvo cu Amah zum le a thuthlun ding lawng a si. Amah kan lehsaalnak ding umsun cu A Bawi sinak parih pumpek (yield) awk ding hi a si.

Ni nikhat ni ah, leilung in Pathian cu Bawi – Adonai – ti’n a cosaang leh ding. Pathian Fapa Jesuh khal hi Bawi a si. Curuangah atu ah kan hmailam hrang khuakhannak cu khedan (pencil) thawn ngan ding kan si ih khephiat (eraser) tumpi kan ken cia a ttul.

Adonai, Nangmah cu Bawipa na si. Ka khuakhannak le Na khuakhannak khuitawk ah an bang aw lo timi in hmuhter hram aw.

Pathian ih thlengh saknak hmunah um thei dingin tuni ah ziangti’n ka hmailam hrangah khuakhan lairelnak ka nei pei?

@ Ava Pennington

(Visited 27 times, 1 visits today)

Comments

comments

Comments

%d bloggers like this: