Khrih ih Hnattuan Pehzom

February 28
Tlawngkai Nihnih

Khrih ih Hnattuan Pehzom

Cutikah ka tleunak cu nan parah zinglam nisuak bangin a tlang dingih nan hma tla cu zamrangzet in a dam ding. Nan hnenah ka um ringring dingih ka lo ruun ding. Nan hnenih ka um ruangah nan him ding.
– Isaiah 58:8

Bible Siar Ding: Jeremiah 33:3-16

Khrih ih hnattuan cu Thinglamtah (Cross) parah a cem taa lo. A sunglawimi kan Bawipa Jesuh cu tumi khalah a nung ih A hnattuan pawl cu A Thlarau thawn a khatmi zumtu pawl nunnak hmangin a pehzom rerolai a si. Amah cu tuni tiang khal ah thinlung a kekkuai mi pawl a damter rero ih ttemttawn mi pawl tla A Thlarau thawn a luahkhatmi zumtu thlaraumi pawl nunnak hmangin a ruunsuak rerolai a si.

Sweden ram ah tlangleeng thawn khual ka tlawng. Butta (station) pakhat kan thlen ah, pitarnu pakhat cu a fanute pawk phah in a ra ka hmu. Pitarnu cu buainak nasatak a tong ti a phuanglang rero ih ziangsi a cang? ti’n ka sut. Ka theihmi cu amah cu siizung ah feh in a ke tan ding ti a si. Amah cu ttap phah in siibawi pawl in na ke cu dam saal dingah zianghman ruahsan ding a um nawn lo, tan ding lawng a ttul in ti ti’n i sim. Ttonglettu pa hnenah hiti’n ka sim, “Jesuh in a lo damter thei a si ti’n sim aw.” Hih thu ka sim le vete’n puanzaar hun onmi vekin a mit-hmai cu a hung tleu. A neta station ah kan cawl ih tlangleeng cu mi tampi in an khat thluh. Mibur tampi cu tlangleeng parah tuul aw ciamco in tetzet in an hung kai. Cutikah khawsia (devil) in, “Na cem zo,” in ti. Asinan caan ttha remcaangbik ka nei ti ka thei. Thil harsazet pawl cu ngah theinak caan ttha a um ringring ih Bawipai’ hrangah sunlawinak a tam sinsin, A huham a langter tikah.

Harsatnak tinkim hi thluasuahnak an si. Kiangkap thil umtu daan pawl in in namneh caan a um ttheu, ih lampi rialnak leengpi dozen khat lai ih nenmi vekin ka tuar ttheu. Asinan zumtu cun duhnungzetmi Jesuh kan nei. Amah cu a cakzetmi thiltithei Runtu a si zia a phuanglang aw ringring. Kan hrangah thil ttha tuahsak dingin a tlolh dah lo.

Tlangleng a feh saal le vete’n ka kuun ih, Jesuh hmin in a natnak cu suak dingin thu ka pek. Thla ka cam ttheh vele pitarnu cu, “Ka dam zo! Ka dam ngah zo ti ka thei!” ti’n a au ciamco. A ke a damfel zo ti langternak ah a tur, a khir. Cuticun a neta station ih kan cawl tikah pitarnu cu a hung ding, tlangleng par ihsin a ttum ih “Siizung feh ka ttul nawn lo!” ti’n napi’n a au ciamco. Mangbangza kan Bawipa Jesuh cu a kekkuaimi damtertu le ttemttawnmi ruunsuaktu a si zia a phuanglang aw lala a si.

A harsabikmi dinhmun pawl hi Pathian zaangfahnak khaisannak an si.

@ Smith Wigglesworth

(Visited 15 times, 1 visits today)

Comments

comments

Comments

%d bloggers like this: