Khinah A Um Ringring

September 5

Nipi Ni 

Khinah A Um Ringring 

Siar:

Saam 55:16-23 

Ka phunzainak le ka ai-hramnak cu a hnenah zing, sun le zaan ah a thleng ih ka aw cu a thei ding.      – Saam 55: 17 

Kumkhat Sung Baibal:

–   Saam 146-147

–   1 Korin. 15:1-28 

RBC Pathian hnattuannak ih radio engineer pawl cu satellite timi cutuh ihsin aw-suah dingin ziang hmuahhmuah an timtuah ih an tiar aw. Asinan an thok ngaingai tikah a ngah lo. Engineer pawl in an zuam rero na’n cuih cutuh cu an peh thei nawn lo ih an mang a bangzet. An theih saalmi cu cuih an peh tummi cutuh cu hmakhatte ah van in a hlo ih khinah a um nawn lo ti a si.    

Cuti vekin a caancaan cu thla kan cam tikah khinah Pathian a um lo hmang tiah kan ruat ding ka zum. Asinan Bible ih amahkhan thawn in hnemmi cu: Pathian cu van in a tla dah lo, khinah a um ringring; kan thlacammi a thei; in ruat.    

A thin nauzet lai caan ah David in, “Ka phunzainak le ka ai-hramnak cu A hnenah zing, sun le zaan ah a thleng ih ka aw cu a thei ding,” (Saam 55:17) a ti. Ziangvek thuhla khal ah Pathian kan ko asile A faale ih kawhnak aw a thei. Cumi in kan thinlung thazaang in pek. Thlacamnak theitu Pathian a neihmi parah David in ziangti’n a sawn? “Nan thilrit cu Bawipa hnenah tthum uhla, nan tha a lo damter ding,” (c.22) a ti.  

Kan thlacamnak cu kan duh daan vekin le kan duh tik caan ah in let lo hmanah zing, sun, zaan ah Pathian cu khinah a um ringring ti kan thei.  –Bill Crowder 

Kan kawh tikah Pathian in in thei,

A hna in kan au tinte a thei;

Khinah a um ringring ti theih cu,

Kan lung in awiter.     -Sper 

Pathian cu A faale pawl ih thlacamnak thei dingah

khinah a um ringring.

 

Comments

comments

Comments

%d bloggers like this: