Khin Wint War Laksawng Ngahmi Myanmar Ah Peknak An Ra Nei Ding

KWW 1Miss Supranational ih Myanmar aiawh zuamawknak teltu Lengdawh Khin Wint War cu Blobal Beauties le Missosology pawl ih Lengdawh thabik pawl hminsinnak ah laksawng pawl an ra pek ding thu Mizzima cun a tarlang.

Miss Supranational zuamawknak ah “People Choice Award (Mipi Hrilmi Laksawng)” a ngah nain a petu ding Missosology neitu a tel thei lo ruangah a laksawng thilri an pe remcang hrih lo ruangah Myanmar ah an ra pe ding, ti a si. Cun, Global Beauties Website in mipi “Miss Grand Slam Popularity (Mipi ih uarbikmi cotu lengdawh)” timi an ra pe ve ding.

Himi laksawng pawl cu Golden Land Myanmar 2014 ih Miss zuamawknak final zan ah an ra pe ding. Golden Land Myanmar 2014 cu May thla zarh khatnak ihsin zarh tumnak tiang tuah ding a si ih cumi ah ramdang mithiam pawl in thuthennak an ra tuah ding.

KWW 4Lengdawh Khin Wint War hi leitlun mithiam pawl ih pekmi laksawng (10) lenglo a ngah thlang ih Myanmar Miss ah cun laksawng ngah tambik a si. 2013 kum ih lengdawh zuamawknak zate ah ramtin ihsin lengdawh 1000 lenglo an tel ih cumi sungah Global Beauties ih hrilnak ah 4nak dinhmun a thleng ih Miss Grand Slam Popularity laksawng khal an pe.

(Visited 1,401 times, 1 visits today)

Comments

comments

Comments

%d bloggers like this: