Khimi lakih Fatebik

November 13

Tlawngkai Nihnih

 

Khimi lakih Fatebik

                                                           

Bible Siar Ding: Saam 146:1-10

 

Ram sung ih ummi miphun dang pawl a humhim hngai ih

nuhmei le ngakttah fa pawl a bawm.

Asinain mi ttha lo pawl ih tumtahnak cu a siatsuah a si.

–         Saam 146:9

 

A tthangsomi ram le miphun ih danglamnak hminsinnak tahfung tampi sungin pakhat cu an ram sungih ummi lakah mahte kilhim awk thei lotu pawl le cawm awk thei lo pawl kha tthazet in a kilkhawitu le a cawmdawltu khuaram le miphun (society) an si.

Khuahlan Israel miphun sungah mi rethei zonzai pawl le mahte zohkil aw thei lo nuhmei le ngakttah pawl kha ttha teih zohkhen le kilkhawi ding hi co-u (priority) pek dingin Pathian ih thupekmi pakhat a si.

Tuni ah kan zate in kan ruahsanmi le kan cosaan theimi cu acozah in kan miphun sungih mi harsa le mi zonzai pawl hi a tthabik in zohkhen hngai sehla timi hi a si. Christian pawl le mi zapi pawl in teh hiti vekih mahte cawm aw thei lo le mi rethei zonzai pawl hi acozah program lawng ring loin kan zoh thei ve lo ding mawsi?

Sihmansehla, miseenpi lakih mifarah kan zohkhen ding ttulzettu pawl kan hrial a si ahcun Pathian in Amah rori ih humhim ding le cawm dingih a thanmi thupek kha hrial le el vekah kan cang ding a si.

Christian pawl cu Pathian in cawm zoh ttulzetmi pawl cawmtu dingih a hmanrua an si ringring. Pathian ih thinlung langter in Pathian ih humhim ding le zohkil ding an ttul a timi pawl kha thinlung takin zohkhen thei zuam cio uhsi!

Vancung ih um kan Pa, Atu le atu Nangmah in na seherhzet ih zohkhen ding in fialmi pawl kilhim dingih thukamnak na neih mi pawl ka zohkhen thei lomi ka sual ka phuang a si. Nangmai’ ke ai ah ka ke in feh thei dingah le Na kut can-ai ah ka kut hmang theitu si dingin in bawm hram aw.

Pathian in Amah ih kilhim ding le cawmdawl ding mi ttawnttawi pawl kha Amah can-ai ih ka zohkhen dingah zo pawl so ka hmaika ah a ret hngai?

 

@Pennington

Comments

comments

Comments

%d bloggers like this: