Khawte um pawl Tlawng tuahthatnak ding hrang hnatuan fial

By-Hniangsinpa

06-01-2009

Natsinchaung khua ih um, Rangoon Zeegone pine ih um pawl cu Nargis thlisia ih hran siat mi tlawng tuahthatnak ding hrangah hnatuan an fial hrim thuthang cun a sim. Hnatuan an fial bakah, Lungto hlu dingih an fial bakah, Cement pawl nawl dingah an fial. Cui hnatuan theilo tu  pawl cu Ks. 5000 kuan dingih ti an si.

Hi fial hrimawknak hi chief Soe Soe, temporary chief U Kala le an khaw hotu U Kyaw Shwe ih thupeknak ih tuah a si thu an khaw mipi pawl cun an sim. Khaw mipi pawl cun an mai hnatuan duhin, har ti zet hman khal sehla, zianghman an sim in an rel ngam lo. An khaw mi pakhat rel dan ahcun, “Hi hnatuan hrang cozah hnenin sumpai an hmu a si” tiah thuthang cun a sim.

Soe Soe cun, thlisia ruangih siat tuar pawl in, ramsung leh ramleng ih bawmnak an ngahmi ihsin Ks. 500 cio hlu dingah a ti bet. Khaw mipi pawl cun, “Ziang mi hman a lak in an ngah fawn lo, report nak ding khal a um fawn lo” tiah har an ti thu an sim bet.

(Visited 27 times, 1 visits today)

Comments

comments

Comments

%d bloggers like this: