Khawsia Tilian In Kalay Sehvel A Hrut Mithi 3 Um Zo, Harsatnak Na Menlo An Tuar

11817238_851782178209753_3365967200548798047_n

Tihang Lilawn Zuktu : Anonymous

Kalay sehvel ih ruah sur ruangah Lairawn ih um Chin mi pawl na menlo in buainak an tong rero. Tilian  ruangah mi 3 in annun an caan phah zo tiah thu kan dong.

Tui thla ni 24 insin 30 July 2015 tiang cat banglo in ruah a sur ruangah Lepanchaung, Minhla (Zotlang), Sekan, Sadaw le kiangkap khaw dangdang pawl vaksuak theilo in an kharh tang aw thluh. Letpanchuang ih, Ti a tamtuk ruangah, tiva lilawn khal an siatsuah ih nauhak tlawngkai khal nili lenglo kai thei nawn lo in an um.

“Letpanchaung BEHS ( 2 ) ih tlawngrak kaitu minhla ( zotlang ) le a thlanglam tlawngta Nauhak pawl tiin a kham , tlawng an kai thei lo nak zarhkhat ti zo. Phone line, tv channel pawl ah harsat nak kan tawng .Letpanchaung le khawhnem pawl Kalay Myo feh thei loin vaphai tiin in kham. Solar in Battery tha a pek neh lo ruangah solar ring pawl zan tin Thimlak ah kan um . Kalay Myo kan peh tlaih thei lo ruangah pursum leilawn nak mangbang an hai in kan um .Minhla (zotlang ) tluan ih fangphun cia mitla an fen thluh.’ tiin Lepanchuang Laihlum Cin Pak cun Chinland Today Media hnenah a sim.

11752546_733088930147339_199135489720234450_n

‘Tihang Lilawn khal tilian in a fen ih a thlang ih Tekungnan khaw kiang lilawn a vung sawt siat Tahan-Letpan tlunta zin le hnuaita zin a pahnihin a pit. Tuisun ah Minhla Lilawn khal a kap a hawrh cim. Zozang lilawn a fen. Kimlai lilawn cu a siat hmaisa lamah a ttang c. Tilian a tthang sinsin. Beidong thlak si’ tiin Jesse khal cun a facebook ah tar lang.

Lairawn Time ih a tarlang dan ahcun Tihang lilawn tidai ih a fen rual ah nupi nu pakhat a fen tel ih tutiang a ruang an hawl hmu hrih lo tiin a tarlang. Hi thuthawn pehpar in mihrek khat cun pacang pakhat le nupi nu pakhat an si tiih rak titu khal an um. ‘Tihang lilawn par ihsin tihang tiva lian rak zohtu Sadaw khaw mi lak khal ah tidai ih fen mi an um. Lilawn par ihsin tiva lian an zoh lai ah tiva in lilawn ban a run hawrh thutthi ih a fen cih. Minung pali cu an luat sal thei nan, nupinu pakhat cu a fen. Pacang pakhat khal a fen tel ih zum a si’ tiin Salai Siang Lian Uk cun a sim.

11781679_851272284927409_767127183480779748_n

Tui tilian ruangah Kalay peng ih um loram zatek 85% tluk cu a siatbal ding ah zum a si. Himi ruang ih harsa tuar mi 7000 hrawng an um zo ih, Kalay khawpi Palik zung tiang tidai a thleng tiin Salai Siang Lian Uk cun a rak tarlang. “Harsatnak tongtu pawl cu Bulhram Fimthiamnak Hramthok Tlawng 3-nak, Bulhram Fimthiamnak Sang Tlawng 3-nak (St. Mary) le sak ttheh hrih lo mi inn kau deuh tivak ah an ceng hai. Tualsung mipi in theitawk in an bawm ih, Chin Pawlpi khal in rawl an khaih.” titla in Siang Lian Uk cun a ngan tel. ‘Kan hmuancar tiva (Tahan G Group, YCW kiang ih tiva) in nauhak pahnih a fen!Nauhak kum 7 mi le kum 2 mi an si ih, kum 2 mi cu a ruak an hmu nan kum 7 mi cu tu tiang an hmu hrih lo. Himi hi tthal ahcun tidai a um fangfang ti hrawng a si nan, fur ahcun tidai a tam ve zet.’titla in a facebook ah a tarlang.

Tilian hmun ah Chinland Today Media in mipi hrang cover dingin kan zuam rero lai. Thuhla a theitu in Chinland Today Media ih neih mi Chinland Today Media Facebook Groups ah lole chinlandtodaymedia@gmail.com khaah thuhla rak than peh vivo hram uh.#

(Visited 1,081 times, 1 visits today)

Comments

comments

Comments

%d bloggers like this: