Khawlkhawmtui' Vanram

November 28

Nipi Ni

Khawlkhawmtui’ Vanram

Siar:

Matthai 6:19-21

“Tlap le nget ih a siatsuah theinak le ruku pawl in an bauh ih an ruk theinak hih leilung ah nan sumsaw khawl hlah uh….. Vancung ah nan sumsaw cu khawl sawn uh. Matthai 6:19-20

Kumkhat Sung Baibal:

–   Ezekiel 33-34

–   1 Peter 5

Thilri khawlkhawm a huamzettu cun baseball team card, tacikkhawng le paisa nawi tivek pawl tiang an khawl ciamco. Thilkhawl cu vuatana nuam pakhat asinan khua i ruattermi cu leitlun kan suahsan tikah kan neihmi zate cu midang hrangah an rung cang thluh leh ding timi hi a si. Leitlun ih kan khawlmi thilri pawl cu ziangtluk man neimi an si hmanah kumkhua hrang ahcun malte asilole zianghman man nei lomi an si.

Jesuh in himi thu hi fiangzet in a rel. A dungthluntu pawl hnenah hi ti’n a sim, “A tlaap le a nget ih a siatsuah thei lonak vancung ah nan sumsaw cu khawl sawn uh,” (Matt. 6:20) a ti.

Kumkhua daih sumsaw cu ziangtik hmanah a man a tlaniam dah lo. Siatter le hlohter khal a theih lo. Ziangti’n kan khawl thei? Hnattuannak ih Bawipa ren, Jesuh hnenah midang hruai, a ttulsamzet mi pawl parah zaangfahnak neih, Jesuh duh daan le nun daan ih nitin nunnak, tivek pawl in kan khawlkhawm thei. Jesuh in milian tlangval pa a hniksak ih a neihmi zate zuar in mifarah a pek hnu ah a dungthlun dingin a fial. Cu pa in ziangbik a thupitter a lang (Marka 10:21-22).

Leitlun thilri pawl hi duhzet a olte. Asinan Jesuh thlun ding na hril sawn tikah vancungram ah sumsaw khawltu ih lungawinak le thinnom a lo hmuh ding. Leitlun thil ziang thawn hman in tahtthim theih rual a si lo!   – Joe Stowel

Leitlun sumsaw cu rei a daih lo,

Asinan kan hrangah Pathian in hmun a tuah;

Ni khat ah Amah thawn kan um tlangnak ding,

A zaangfah lainatnak sungah kan nuam ding.  – Branon

Kumkhua thil kha kai hnget awla,

rei awh lo thil cu thlahthlam aw.

(Visited 27 times, 1 visits today)

Comments

comments

Comments

%d bloggers like this: