Khawl Asilole Bawm?

October 19

Tlawngkai Nihnih

Khawl Asilole Bawm?

Siar:

Isaiah 58:6-12

Rilrawng mi an pum nan puarter ih mi tlasam pawl an ttulsammi nan pek a si ahcun a lo kulhtu khawthimnak hi sun nitleu ah a cang saal ding. Isaiah 58:10

Kumkhat Sung Baibal:

–   Isaiah 56-58

2 Thess. 2

1914 kum August ah Mirang (Britain) ram cu Leitlun Raalpi Veikhatnak (WWI) ih a luthnawh tikah, kum 40 a simi Oswald Chambers cu nupi le kumkhat mi fanu te a nei. Caan rei hlan ah, nikhat mi 30,000 hrawng raalkap ah an lut. An neihmi mawttaw, Lo ih hmanmi thilri le rang pawl acozah hnenah an zuarter. Culai takah a thimi le hriamhma a pumi cazin nitinte’n thuthangca ah an suah. Rampi in harsat le tlaksiatnak tumpi an tong.

Raalkahnak thla khat a rei tikah Khrih zumtu pawl ih ttuan dingmi thu Chambers in a sim. “Raal ih siatsuahnak le lungkuainak a thlen tikah kanmah te poisa lo ih um men loin kan Bawipa le rualpi pawl ih bomdilnak cu zawnruahnak lungput thawn midang hrangah thlacam sak ding kan si,” tiah a ti.

Pathian ih kawhnak aw cu caantin  a thang: “Rilrawng mi an pum nan puarter ih mi tlasam pawl an ttulmi nan pek a si ahcun a lo kulhtu khawthimnak hi sun nitleu ah a cang ding,” a ti (Isaiah 58:10).

Ttihnak cun kan neihmi a kai ih a siatter; Pathian zumnak cun kan kut le thinlung midang hrangah a ong. Midang kan bawm tikah Amai’ tleunak sungah kan feh, kanmah hrangah kan khawl lo.    – David McCasland

Zaangfahnak le thinneemnak i pe,

Jesuh nangmah bang, nangmah bang;

Ka kiangih ttulsamnak nei pawl in ka thin in khoih,

Thianghlim zaangfahnak in i khatter.  – Anon

Khrih duhdawtnak kan sungih a karh tikah,

A duhdawtnak kan hnen ihsin a luangsuak.

(Visited 33 times, 1 visits today)

Comments

comments

Comments

%d bloggers like this: