Khatlam Raal Ah

February 11

Tlawngkai Nili

Khatlam Raal Ah

Siar:

Jeim 4:13-17

Nan nunnak cu thaisun ah ziang a cang ding ti nan thei lo.Nan nunnak cu caan tawite sung a zaam ih a hlo saalmi mero bangtuk a si.     – Jeim 4:14

Kumkhat Sung Baibal:

–   Puithiam 11-12

–   Matthai 26:1-25

Mi pakhat in ka rualpa hnenah, “Kum khat ah kan tong-aw ding,” a ti ih, “A si, khatlam raal ah kan tong aw ding,” tiah a let. A sim duhmi cu US Navy ih kum khat ttuanvo ka ttheh tikah a tican a si. Asinan hih ttongkam hi Vanram thawn pehpar ih hman ttheumi a si ruangah nunnak ih fek lo daan thu i ruatter. Ka ruahmi cu, “Tuih hnu kum khat ah hitawk ah zo a umlai pei? Cutik caan ah zo pawl khatlam raal ah an um pei? (Vancungram ah?)

Kan hmai kum, asilole nazi pakhat hnu ah ziang a ra cang ding ti kan thei lo. Jeim in a cakuat sungah tikcu fek lo thu a ngan. Sumtuah duhham pawl in tuihsun ziang kan tuah ding, thaisun, hmai kum ah ziang kan tuah ding ti ih an porh awknak a kawk hngai (Jeim 4:13). An mawhnak cu tumtahnak an neihmi ruangah si loin Pathian hngilh tahrat in hngalzet ih an porh awknak ruangah a si.

Jeim in, “Nan nunnak cu thaisun ah ziang a cang ding ti nan thei lo. Nan nunnak cu caan tawite sung a zaam ih a hlo saalmi mero bangtuk a si,” tiah a ti (c. 14). Peter David in, “Peter in an aatnak a sawh hngai. Ra uh, khawkhangtu pawl, nan nunnak parah malte hman thuneihnak nan nei lo, ti nan thei lo mawsi tiah a ti hngai,” a ti.

Kan nunnak cu Pathian thuneihnak lengah a um lo. Curuangah tumtahnak kan tuah tikah, “Bawipa ih lungkimnak a um asile kan nung hrih dingih cumi khami kan tuah ding,” ti uhsi! (c.15).

Thaisun hrang ka tumtah ka thei lo,

Tuih caan te hrang lawng ka thei;

Amah in i sim, “Himi hi lamziin a si,

Zumnak in feh aw,” in ti.

Khedan(pencil) thawn na tumtahnak ngan awla,

a phiatnak khephiat cu Pathian in kai seh.

(Visited 25 times, 1 visits today)

Comments

comments

Comments

%d bloggers like this: