Kharkhem Kekar

July 3

Zarhte Ni 

Kharkhem Kekar 

Siar:

Rom 5:1-5 

Ziangahtile harsatnak in tuartheinak a suahter, tuartheinak in Pathian lungkimnak a suahter, cule amah ih lungkimnak in ruahsannak a suahter, ti kan thei.    – Rom 5:3-4 

Kumkhat Sung Baibal:

–   Job 25-27

–   Tirhthlah 12 

Ka nauhaklai thu ka ciinmi cu kan inn dung pangpar duum ih kharkhem zoh a si. Hih thilnung fate: phaw hak, pum fate le mit fiak cu periscopes timi thil zohnak thawn ka zoh tikah duh an nungzet. Asinan an danglamnak taktak cu ziangtluk nuamhnai le khulfung in an feh timi hi a sibik.

Kharkhem hi ziangtluk nuamhnai in a feh? Hliakhlainak pakhat in, nazi pakhat ah peng 0.00758 asilole pi 40 a feh thei a ti. Curuangah nuamte ih a fehtu cu kharkhem kekar in a feh kan ti ttheu.     

Kharkhem cu nuamte’n feh hmansehla tuartheinak a nei. Kum zabu 19 lai ih hminthangzet pastor Charles Spurgeon in, “Kharkhem cu a tuartheinak ruangah lawng parah a thleng thei,” a ti. Tirhthlah Paul in, tuartheinak cu kan nuncan tthansotertu a si a ti (Rom 5:3). Tuartheinak in ruahsannak a suahter (c. 4) a ti. Greek ttong ihsin tuartheinak (perseverance) tiih an rak lehmi cu hngetkhoh, thlengh aw dah lo le tuartheinak ti a si. Cumi cu zumtu pawl hniksaknak tampi an tuarmi sung ihsin beidong loin an tuartheinak thu sim duhnak san a si.     

Sunralnak in na kekar kharkhem feh tlukin a lo fuungter maw? Tthangphawk aw thlang aw. Pathian in zamrangzet ih ttheh ding a lo fial lo. Tuartheinak nun nei dingah a lo duh sak sawn.  – Dennish Fisher 

Hniksaknak in na nunnak a lo hnaihnok tikah,

 Na hrangah a sungkhan ding a olte;

Hmanseh tuartheinak in harsatnak na neh ding,

Baang lo te’n feh ko, Khrih thawn na neh ding. – Branon 

Nehnak tumpi hrangah tuartheinak tumpi a ttul.

 

 

(Visited 25 times, 1 visits today)

Comments

comments

Comments

%d bloggers like this: