Khabe-dom Phah in an to ngeungeu

Guahati – Delhi tlangleng zin sak zin thlang ah

Khabe-dom Phah in an to ngeungeu

To,

Ka rual… Thei Duh

Na dam maw? Ka lo ngaituk.

Tlawngkainak ding ka tawlrel rero lai. Thla in cam sak ringring ti ka thei ih ka lungawi. Thudang ka lo ruahhlan ah Rangon ihsin Delhi tiang lamzin tluan ih ka hmuton mi, mak ka ti zet mi ka lo ruah ding maw. YG ihsin KL ah tluangten ka thleng. Kalay ihsin ka nupi in in hmuak fawn ih a nuamzet, ka hlim nasa. Nang tla “Tlangval lai ih nupi nei cu out-tuk ti loin nei zaang thlang awla…  Cule Kalaymo ihsin India ramri tiang ka to mi motaw cu… minung 10 lawng tlem mi mawtaw cu sinan… minung 40 lai kan ben aw.

Lamzin sukso, ruahpi surbet lai thawn Tio kan thlen cun kut ke pawl cu a hit theh…Asinan…Lamzin tluan ah Mawtaw sungto kan zaten in unau sungkhat vek kan siih kan nuam nasa. Kan pok zawng ah kan lamtluan Pathian hnen ka ap hmaisabik. Kan bawm aw ih capoh tla kan tuah phahphah… kan nuamzet… zinsak zin thlangah le tlang pawl hringdildel, Thlithiangte hawpphah le mero zaam mawite thawn, Tlangsaang deuh kan thleng le  Chawkhlei par, Arek par pawl Pathian ih sermi parmawi phunkim thawn… lung a hlimzet.

Tio ihsin India ram Tio-raal kai ding kan siih… khaw sung Falam Baptist Church ih member pawl in in bawm nasa. Lah Wah Kah ah thaten in sim sak ih harsatnak um loten kan kaan thei…Tio ih zumtu unau pawl parah ka lungawi zet. Zokhawthar ihsin Aizawl ah Sumo thawn nuamtak le mawtaw riphah in tlai nineem ah kan thleng ih Aizawl ihsin Guahati ah Zaan Sumo pok hngal ding a um ruangah kan thlun cih ih Tio ihsin Guahati ah nikhat le sunhrek ah kan thleng…

Guahati ihsin ND ah Tlangleng thawn kan pok ih… zintluan sukso khua ka cuan, zoh ding thatha um pei maw tiin ka hoi tikah ziangdang hmuh ding hi a um lo… kan hmuhtambik le a lar bik cu zinsak zintlang ih upa, nauhak, nunau ti um loin khabedom phah ih to ngeungeu hi kan hmuh tambik si. Mi hrekkhat tla cu zin kapte ah to phah in Tlangleng ih passanger pawl TaTa pek in an kut an hei zap pah sapbai lai.

Ka hmuhpek cun ka mang a bangtuk. ID hi leitlun ih fimzirnak lam hminthang pakhat a siih living standard hi a sangzet ding tin ka ruat dah. Asinan zinsak zin thlang ih daan nei lemlo ih an to ngeungeu pawl ka hmuh hi cu a poi ka tizet. Ziangkhal lo le hihi cu khawte an siih khawpi kan thlen cun hivek um nawn lo ding tin ka ruat… asinan… A khawpi bik kan naih vivo ih amah kel… cutikah “aw… hi cu zinkap a siih khawsung ngainai ahcun hivek cu ka hmu nawn zik lo” ka ti… lamlam… a khawpi sung kan thlen cun a roh sinsin… khawpi sung kan luh zawng ah Zawng kuhpi (Monkey) in Taih par ihsin in hmuak nasa ih… ka kut ka zap ve. Khawpi bik ka thlen hnu DC ah computer job… ka tuan ih cuih DC thlen hlan te ah Jordan tiva tiih kan phuahmi tiva pakhat a um… Park kiangte a si… Short-cut kan zawh theunak a si… cunah… patling pahnih tla cu… khabedom phah (ek thawh phah) in thunuam an rel phah betlai…sukso pawl hman an zah lo lawlaw.

Ka ruah saal mi cu…

Aw… kan ramte hi farah ram le cangkang lo ram, mi ih hmuhsuammi ram a si ko nan… mi cangkang ram pawl tampi pawl hnakin cu a mawi tuk si lo maw, Beidong loin zumtu u le nau pawl tan lak in kan ram hrangah thla napi in kan cam sinsin tul zia ti ka ruat suak

A reihlan ah kan rampi hi a dam ko ding ti’n ka ti aw nasa.

Daan nei lo ih um cu thansonak si lamlam … tthansuk/ttumsuknak hrampi ti kha hngilh lo sehla.

Cuhmuah in ka cawl hrih ding..

Damten kan tong aw leh ding maw.

Na rual…

Salai Star

Fimhawlnak… D.L

Comments

comments

Comments

%d bloggers like this: