Khaan Tthabik

August 6

Tlawngkai Ninga 

Khaan Tthabik 

Siar:

1Peter 4:7-14 

Phunzai lo te in nan inn ah pakhat le pakhat tlungter aw uh. – 1Pet. 4:9 

Kumkhat Sung Baibal:

–   Saam 70 – 71

–   Rom 8:22-39 

January thla sungih Germany ram zingzoinak khualtlawn ttum ah siangbawi zirlai pawl umnak inn ih kan riak ding thu ka theih tikah ka thin a nuam lo. Daan fekzet, khual tlunnak um lo, a daizetmi lungto zial le a ruhzetmi ihkhun si dingah ka ruat. Cuti si loin hmun nuamzet le khaan nuamzet ah ka um. Ka rualpi pa in, “Siangbawi zir pawl hin an mikhual hi Khrih ih mikhual vekin an zoh a si ding ka zum” a ti. Anmah cu cutluk hmun nuam ah an um lo na’n an hna a ngam.           

Robert Herrick timi kum zabu 17 lai ih Mirang biazai ngantu pa in hiti’n a ngan:

Khirh in cuvek a ttulter, rawl pek dingin maw riak dingin, mizo vek a ra khal le, a khaan tthabik hrilter aw, inn sungih a nasabikmi thil pek aw, a tthatbikmi cu thinlung a si.

 Midang hrangih pek awk hnak cun Jesuh kan thinlung ih hmuak ding cu a ol deuh a bang. Kan inn ah khaan pek ding siseh, kan man lozet lai ih tikcu pek ding siseh, vei tampi ahcun mikhual pawl cu in hnaihnoktu vekin kan zoh.           

Dungthluntu Peter cun, “Ziang hmuahhmuah hnakin pakhat le pakhat nan thinlung takte in duhdaw aw uh, ziangahtile duhdawtnak in sualnak tampi a khuh thei a si. Phunzai lote in nan inn ah pakhat le pakhat tlungter aw uh” (1Peter. 4:8-9) in ti.           

Khaan tthabik kan thinlung Khrih hnen peknak le midang duhdawzet ih zoh tthatnak in Khrih cu kan upat.    – David McCasland 

Na taa ka si, Bawipa, Na duhnak in zirh aw,

Duhdawtnak le rin-umnak ih a telmi hmuah;

Hnattuan thiang, lungawi pumpeknak,

A kumkhua in Na thulung thei dingah!   – Bennett 

Duhdawtnak theithiam dingah Jesuh hnenah na thinlung ong aw.

Duhdawtnak langter dingah midang hnenah na thinlung ong aw.

 

Comments

comments

Comments

%d bloggers like this: