Biazai: Keimah Ngai Ngai Khui Ah

Ka hmeltheih lomi, va biak hmaisak
Ka hmeltheih lomi, hni siamsite cibai
Aipuangzet ih biak cu harsa ka ti ngaingai
Pheh loten cuvek cu ka mizia tla a si lo
“Ningzak” le “Mihmaisawng” hi unau sisehla

Kei hi an unau ka si hrimhrim ding
Lukham parih ka lu ka ret ve ten ka ruat
Ka sunni hman dan pawl
Sirawknak a tam
A caan ahcun ka mizia hi ka hua tuk

Mizia le umdaan hi ka thiam thei lo
Ka thinlung cu a thazet nan a langter daan ka thiam lo
Keimah ngaingai cu mifelte ka sinan a langdaan a dik lo

Cuvek ruangah na duhaw in ti theu
Mi duhaw cu ka si hrimhrim lo
Asinan ziangah duhaw vekin ka rak lang theu
Ka um dan hi in theithiamlotu pawl hrang huatza leng a si.

(Visited 46 times, 1 visits today)

Comments

comments

One Comment

  1. Hi biazai cu ruqah ding a tam na sa….nuntukhawsa dan zirhawknak khalah a tha zet….mi tampi cu hi vek in kan rak khawsa ding ti ak zum….

Comments

%d bloggers like this: