Keimah, Keimah, Keimah

May 21

Tlawngkai Ninga

Keimah, Keimah, Keimah

Siar:

Filipi 2:1-11

Mi nahsuahnak nei in, mai’ zawn lawng ruat ih, mai’ hmintthatnak lawng hawl in zianghman tuah hlah uh.  – Filipi 2:3

Kumkhat Sung Baibal:

–   1 Sansiarnak 13-15

–   Johan 7:1-27

1970 kum ah Beatle awnmawi group in an cangvaihnak pawl zuknung (movie) zuk hram an thok. Cuih zuknung in awnmawi tuahlam ih an tthansonak langter ding ai-ah an tawh awknak le mai’ tthathnemnak lawng an hawlmi pawl a langter. Group tthansonak hnakin anmai’ bulpak hla le hminthannak an poimawhter sawn. Cuih zuknung an zuk ttheh hnu rei lo ah an tthen aw thluh.

Cuvek cu khuahlan caan reipilai ihsin a rak umcia mi thubuai a si. Kum zabu pakhat lai ah Paul in Filipi kawhhran ih zumtu pawl hnenah mai’ zawn lawng ruahnak thang sungih an tlak ding a rak phang dah. Pakhat le pakhat zawnruah awknak lungput kha mai’ bulpak tthanso duhnak nehkhuhter tikah rem lonak le buainak zamrang te’n a suak.

Hih ttihnungza lungput a lingletlam ih hoiter dingah Paul in, “Mi nahsuahnak nei in, mai’ zawn lawng ruat ih, mai’ hmintthatnak lawng hawl in zianghman tuah hlah uh. Pakhat le pakhat tangdornak thinlung nei uhla midang hnakin ka tthadeuh tiah ziangtik hmanah ruat aw hlah uh,” tiah a ti (Filipi 2:3-4).

Na nunnak ngankhummi in ziangmi si a langter? Mai’ zawn lawng ruahnak maw, mah le mah hngilh awknak? Mai’ zawn lawng ruat loin pakhat le pakhat ruah awknak in tthentthek awknak ihsin in humhim dingih kawhhran sungah lungrualnak a umter ding.   – Bill Crowder

Bawipa, nikhat hnu nikhat,

Mah le mah hngilh aw in i nungter aw;

Thlacam dingin khuk ka bil tikah,

Ka thlacamnak cu midang hrangah a si ding. – Meigs

Midang a hmuitinmi thinlung cun amah le mah a hngilh aw ding.

(Visited 32 times, 1 visits today)

Comments

comments

One Comment

  1. Kei mah ruah nak tete a si ih a sual tla si men thei kei mah cu a dik tin ka ruat.Rak ruat ve uh la ka duh.Ka ruah dan cu hi tin si.
    Minung cu kan mah pa khat hrang lawng kan ruat.
    Thu tim nak ah fala le tlang val an um ih an duh aw.tlangval pa nih fala la nu a luk.zing ruang ah si a luk?ziang dang si lo nuam a duh ruang ah a si.fala nu nuam aw seh tiah a luk si lo a mah a nuaw aw duh ruang ah si.
    fala nu khal tlangval pa in a luk tik ah ka tlangval pa nuam aw seh tin a su a hman si lo a mah a nuam aw duh ve ruang ah si.an pahnih in an duh aw zet nan pakhat hrang ruat sak lo in an mah hrang lawng an ruat.
    Cu vek kan si thluh tin ka ruat.

    ZO KHAL KAN MAH HRANG LAWNG KAN RUAT!!

Comments

%d bloggers like this: