Keimah Ihsin Pathian Ih Duhdawtnak

December 17

Tlawngkai Ninga

Keimah Ihsin Pathian Ih Duhdawtnak

Siar:

1 Korin. 13

Duhdawtnak cu a cem thei lo.    – 1 Korin. 13:8

Kumkhat Sung Baibal:

–   Amos 7-9

–   Thuphuan 8

Conference ih devotion biakkhawmnak ah khawm hotu in 1 Korin. 13:4-8 kha ringpi ih siar dingin le “duhdawtnak” ti ai-ah “Jesuh” tiah siar dingin in fial. Jesuh cu a thin a sau ih mi zaangfahnak a nei; Jesuh in iksiknak a nei lo, a uang aw lo ih a puarthau fawn lo. Jesuh cu a nun a sia lo, amai’ zawn lawng a ruat lo, a thin a tawi lo. Jesuh cun tisualmi kha a ciing ringring lo. Jesuh cu thil ttha lo parah a lung a awi lo, asinan thudik parah a lung a awi. Jesuh cu a bei a dong mai dah lo. Jesuh cu a cem thei lo.”

Hotu in, “Ringpi in siar uhla Jesuh ai-ah nan hmin saal uh,” a ti ih kan hni thluh. A dik lo ti’n ka ruat nain ka hmin bun in ka siar: “David cu amai” zawn lawng a ruat lo, a thin a tawi lo, thil ttha lo parah a lung a awi lo, asinan thudik ah a lung a awi, a bei a dong mai dah lo, a zumnak, a ruahsannak le a thinsaunak cu cem ni a nei lo. David cu a cem thei lo.”

Himi in thu i sut awtermi cu: “Keimah ihsin Pathian ih duhdawtnak langter dingah ziangti’n ka dawnkham?” Zumnak langternak dang pawl an thupi sawn tiah ka ruat maw? Paul ih simmi Pathian ih hmuh daan cun ttong thiamnak, thlaraulam thuthup theih theinak, pek siannak, mah ruangpum tiang pek hman ah duhdawtnak neih lo ahcun a tthahnem lo (cc. 1-3).

Pathian in a tumzetmi a duhdawtnak cu kanmai’ nunnak ihsin midang hmuhter a duh; kan siang pei maw?    – David McCasland

Mah le mah duh awk vekin kan innhnen duhdawt ding cu

A ol lomi a si;

Curuangah Bawipa, ziangti’n duh ding ti in hmuh aw,

Na tuah vekin lo thlun kan zuam ding.    – Sper

Khrih vekih nun timi cu Pathian vek ih mi duhdawt khi a si.

(Visited 28 times, 1 visits today)

Comments

comments

Comments

%d bloggers like this: