Keimah hi Ka Si Maw?

July 12
Tlawngkai Nili

Keimah hi Ka Si Maw?

Bible Siar Ding: Seem. 45:4-11; 50:15-21

“Curuangah nan thinphang hlah uh. Nanmah siseh, nan fate pawl siseh ka lo cawm hngai ding,” tiah a ti.
– Seem. 50:21

Na thlacamnak ih aphi (answer) cu nangmah na si dah maw?

Josef cu a u le pawl in sal ih an zuar hnu ah, a pa le a naupa a ngaizet. Pathian thawn naih awzet in a pawlkom awk ruangah Yahweh Jireh hnenah an ttulmi pe dingin thla a cam ko dingih amah a zuartu a u le pawl hrangah tla thla a cam sak ko ding.

Pathian in Josef cu Egypt ram ah ram uktu thunei dinhmun saang ah a hlirso ih amai’ suahnak Israel ram ih paam a tlunlai ih rawl hawlnak ding hrangah a timtuah sak cia. Josef ih hlawhtlinnak cu ramdang mi pawl ih thinlung a laakzet ih Egypt ram ih rawl lei ding hawl dingah an ra cupco, cumi pawl sungah a u le pawl tiang an tel ve. Josef ih innsang mi pawl cu cuti’n Egypt ram ah an ra vai cih tikah Josef hrang ahcun a thlacammi ih a phi (answer) cu amah ah a cang tariai ee.

Innsang pakhat hrangah rawl ei ding pe dingin Pathian hnenah thla ka cam, mi damlo thazaang ka pek, nel awzet ih thuthangttha simtu ding thlahsak dingah ka dilngen. Yahweh Jireh in cuti vekih ka thlacamnak pawl cu ziangti’n in let duh ding ti’n ka mang a bang. A ngaingai te cun ei ding nei lo le khansam pawl hrangah ei ding rawl ka lei sak in ka bawm thei, siizung le innsang ah minaa pawl vehvai in thlacamnak ka neih sak thei ih innhnen vengpa pawl tla Bible zir tlangnak nei dingin ka sawm thei ve a si.

A si, Yahweh Jireh in a minung pawl ih ttulsammi cu mangbangza a thiltitheinak hmangin a pe thluh thei ko. Sihmansehla, a caancaan ahcun Pathian in kan thlacamnak ih aphi (answer) cu kanmah si dingin tla in duhsak a si.

Yahweh Jireh, ka thlacamnak ih aphi (answer) cu keimah si dingih in duhsak caan ah famkimtertu si thei dingin in bawm aw.

Tuni ah thla ka cam sak reromi pawl hrangah keimah rori in pesuak dingin Yahweh Jireh Pathian in ziangmisi in duhsak?

@ Ava Pennington

(Visited 16 times, 1 visits today)

Comments

comments

Comments

%d bloggers like this: