Keimah cu Siangpahrang Bawipa ih Sabitti pe tu ka si (Neh1:11

 

Keimah cu Siangpahrang Bawipa ih Sabitti pe tu ka si (Neh1:11)

Hakaliah fapa Nehemiah cu Artakzaksis in Siangpahrang a tuan kumkul nakah Kisleu thla ah Susan ih  Siangpahrang hna lungawi takih a tuansak laiah cun a u nau pa Hanani le mi dang pawl cu Jerusalem ihsin Nehemiah hna tuannak ah an va tlawngih sal tang suak pawl ih thu hla cu dinhmun setak le mi relsiat rero an si ti thu le Jerusalem kulh cu a se reirei thluh ih a sangkaa khal a kang se theh tin thu an sim.

Cui thu pawl Nehemiah in a hawn theih cun a  to sutsi ih a tap ciamco. Cui hnuah van Pathian hneah thla a cam ih ninghang riasia lungngai rawl hngei in ni ziang maw tizat caan a hmang.Nehemiah, hi hi tik cu ah hin Siangpahrang Sabitti petu asi, a mah hi mino cak vak zet, biaknak lam ih mi hmang aw zet mitmen mawi, mi virvat tha le Pathian pawl ring ring mi law, mirin um, mi nel um tak hi san ih Siangahrang ih mi rin tlak tlangval note pakhat asi.

Nehemiah cu Juda pawl Babulan salih an tan nak sansualnak ah  a tel lo ding. Sikhalsehla a tawngkam le a thlacamnak zoh rero ah hin an pupa a hnamle a cipi sualnak ih tel ve rori vek in a rel aw. Na parih tha lo tak ih kan umih, na siahhlawh Mosia hnenih na pek mi na daan pawl cu kan thlun lo ruangah na parah kan sual tin Pathian a bia.

An ram tlusia rem tha saltu ding khal ah a mai mawhphurh tum bik si in a thei zaw aw ih a hruaitu le a khaw khangtu bik khalah a tang vivo. Nehemiah cu  tangdor tak in Pathian hmaiah a phah niam aw ih an hnam rem tha sal dimngin a ttuah aw ih, zanah a thil ti ding mi hna tuan pawl cu zo hmaiih theih loin Jerusalem ah a feh in mi ihthah lai zan dai ah a thil tuah ding a zohfel thluh hnu ah a mi phun pawl a ko khawmih feh thlanguh law, tuan thlang uhsi relsiat ih kan um lo nak dingin Jerusalem kulh cu kan ding thlang pei a ti mai asi.

Nan mahin kulh din uh a tilo,cun ti aw ter tak in keimah ka din mai ding a ti aw fawn lo a cile kuang pawl thawn lungrual takin rel siat ih kan um nawn lo nak dingah kulk siat mi cu kan din tha sal pei a ti a si. A tawngkam cu a va mawi lawm mam ve ti uh law!!! A la hranpa aw duh lo ih a mi phun pawl si vek vek kha si a tum vivo ngam a si.

A se lam tha lo in a mi pawl lak ih tel duh vivo tu asi.  A thu rawn vek le a sawm nak vek in Israel mi pawl cun an ci an mi phun rem that sal ding cun hna an tuan thawk vivo ih Pathian a tih ruangah loram khal a mai hlawknak dingin pakhat hman lei mi a nei lo. A mai hrang bul ih sumkhawl mi khal a nei lo, mipi pawl in a zar an to durdo vivo mai asi. Curuangahraltha tak le huaisen takin hna cu an tuan vivo ih tibahlah tum tu pawl zo hman hlawhtling an um lo.

Bum an tum khallen Pathian in a bawmih an hlawhtling dah lo. Thah an tum theu nan Nehemiah cu Pathian in a hum ring ring. Rinum tak le tha hnem ngai tak in hna cu an tuan khawm vualvo ih hna harsa tak cu  an theh ta riai.  Sangkaa kiltu le hlasak tu pawl a ruat fel thluh ih sangkaa on tik cu le khar tikcu khal mai tik cu caan te ih tha takih kil him dingah ziangkim a ruat fel thluh. A ral pawl relsiatnak vek in lal tuan a tum maw, maw tum lo?

      A u nau pa Hnani le a dang Hananiah Pathian tihmi cu Jerusalem ih hotu dingah a ruat keicu Siangpahrang Sabitti pe tu ka si (Nehemiah 1:11) hi ti zawngin kan zoh sal pei, a mi phun pawl sualnak cu Nehemiah in a mai sualnak vek rorin in a ruat ve ih a la hrang aw duh lo Pathian a zoh ih a mah le mah a hmu aw, Bawipa Pathian kei cu na hrangih pe aw sianglo tu Siangpahrang Artekzaksis ih duhzawng ih um theu misantlailo tak ka si, ka rak sual tukih na duhzawng in ka nunglo ti tuisun ah ka thei aw suak asi.

Na hmaiah zianghman ka si lo, nang ai in Artakzaksis hril sawntu ka rak si sihmansehla ka sirawknak mithli hi I co hlan sak dingih na hnen ih sual sir ih kirsal duh pawl ngai dam theu tu Pathian na si kha, na thutiam theu vek in ka sualnak ngai dam ding in le in um pi vivo ding in ka lo dil asi. Zokhal hmuhsuam dahlo,dodaltu khal si tum dah lo mai hrang hlawknak lawng hawl mai lo, hnam le miphun rem tha dingih a nun pe ngam tu Nehemiah vek ram hruaitu kan ram le miphun in kan tul a si.

Comments

comments

Comments

%d bloggers like this: