Kawpi thatnak theitu na si!

KAWPI (CABBAGE)

Kan lai tlangih kan rawlhmeh, phundang le hnam dang khal ih an ngai natmi Kawpi kan hmuhin Ciatani hrangle Singcaw dinglawng tla kan ruat men thei. A thawtdan cu a tuah tu zir in, a thaw bakah kawpi hin kan damnak hrang ding khalah sitha ngai ngai a pe. Hnam cangkang sawn pawl tla cun hlanlai ih an rawl rak rin theumi a si hnge hnge; cuih’hleiah Sivai tha ah an rak hmang zo. A cui damnak thuthup cu Hippocrates (Greek doctor), Aristotle (Greek Philosopher), le Pliny (Roman Scholar) pawl in an rak hmu suak zo.

Khuahlan mi fim pawl ih an hmuh suah dan ah cun, Kawpi hin lunatnak leh ihthah thei lo nak pawl a ti reh ih cui bakah Nunau-nau no, nei thar hrangah thi a ti kang tin an ti. Khuahlan mifim pawl ih an hmuh suah mi cu rawn zawi fiang leh in, santhar nonawn ih mifim pawl khal in Kawpi hin kan taksa ih natnak hrik ti tam ter tu natnak hrik a that ih bet ah kan vun tar pawl hrangah khal a ti hring no sawn a si an ti.

Kawpi in thawtnak dang dang a neih lawng siloin kan taksa ih tulmi Vitamin C tam pi a nei. Gm 250 tluk rit mi Kawpi in mi puitling pakhat ih nikhat sungih a tulzat Vitamin C a pek thei a si. Kawpi nitin kan ei miin kan taksa ih kan thaw thawtnak lam khal ah thawsia kan hiplut mi a rak ti thianghlim ih a bik tak in zin thlum nei hrangah Kawpi hi a tha hnem hleice cuang a si.

Nitin rawl ei ih eitel ringring in zunthlum nat a ti reh ve thei. Kawpi kan ei miin kan taksa sungih thil tul lo pawl cu a tiriral thei ih cu, cu kan tak sa cak lo a ti hngetkhoh sal a si. Curuangah nitin Kawpi ei hi tih ttawlawknak/thau kilvennak hrangih awlsam le ruangrai ti mawi tu ding ih Sitha thuthup a si.

Doctor thiam pawl cun hi lawng si loin Kawpi,  a ti nitin in hin  Pumna, Ulcer le Gastritis natnak pawl hrang khalah a tha a si an ti. Hlan laih kawpi cu tui caan khalah kawpi a si ko nan, a thatnak kan thei lo…kan taksa hrangah ziangtluk a tangkai ti  hman kan rak theilo. Asinan, Chinlandtoday siartu pawl cun kawpi ih thupit zia an thei thlang a si. 

Siarbet : Purunvar ih thatnak

(Visited 44 times, 1 visits today)

Comments

comments

One Comment

  1. Henry tuallawt says:

    A rak si ngai si si maw!, a tam thei bik ih lei lohli ding a si hi a, taksa mawinak a si bet bet fawn, fala hrangah tla cun ei leuh leuh ci tak a si hmel.

Comments

%d bloggers like this: