Kawlrammi 70 Thailand Thuneitu Pawlin Zoh Sung ; Nunau 4 Puaisa In Pawngsual!

kaihmi
Minung zuar tiin a olnak in sim țheumi a thuptei’ ramdang feh dingih mi kuattu puaisa pawlin an tanthlarmi Kawlrammi 70 tluk hrawmg thlanglam Thailand ramah hmuh an si ih Thailand thuneitu pawlin an zohsung thu theih a si.

Kawlrammi pawl cu Thailand thlanglam Chanphung peng ih ramlak tuurul sungah puaisa pawlin an tanthlar ih rawl an eilonak ni 3 lai a rei zo thu , an lakih mihrekkhat cu rawl dil dingah khawsung an ra lutih cutiih kaih an ton thu Thailand țongih nganmi Manager Internet Website cun a tarlang.

Kawlrammi 28 pawl cu May 8 sunah hmuhton an si ih, mi 46 pawl cu May 9 sunah hmuhton an si. An zaten Thailand thuneitu pawlin an zohsung. Anmah pawl hi Kawlram hmundangdang ihsi ra an si ih Kawhtawng ihsin a thuptei’ Thailand ramsung ra lut an si.

Hih Thailand thuneitu pawlih an zohsungmi Kawlrammi pawl hi Bangkok ih Myanmar ram palai zung hnațuan pawlin May 13 sunih va tong dingah an timtuah thu khal theih a si.

Hih thuhla cu ramhnih acozah karlak ih daan vekin thurel le tuah dingmi thu a si ruangah ram palai zungih hnațuan hrekkhat le a hleice ih țuanvo neitu pawlin zohsung a simi pawl an va ton hnu ah ziangtin thuhla rel a si ding ti an theih cop ding thu Bangkok ih Kawlram ram palai zungih țuanvo neitu U Kyaw Thawng cun a sim.

U Kyaw Thawng cun, “Atuih kan rammi pawl an hmuhtonnak hmun hi a thuptei’ minung zuartu pawlih umnak hmunpi a si. Malaysia fehnak lamzinpi khal a si ih Thailan thlanglam ra pannak lampi khal a si. An buuk sakmi pawl khal a hngetkhauh zet” tiin a sim.

Cuih mi 70 lakih nunau 4 pawl cu Thailand mi a thuptei’ mizuartu pawlih pawngsual an tuar ih pumsung ah thlakhat fangte naupai nunau pakhat khal hruaihlo a si bet! Cuih mi dekcoktu Thailandmi pawl cu Thailand thuneitu pawlin an hawl rero lai.

Hih kilkhawi zohsung a tuartu mi 70 lakih a hrek cu Malaysia ram pan ih feh an si ih a hrek cu Thailand thlanglam ih hnațuan dingah a rami an si. Puaisa man ah mi 1 in Baht 7000 cio an pe.

Hrm – Irrawaddy

(Visited 809 times, 1 visits today)

Comments

comments

Comments

%d bloggers like this: