Kawlram Thurel Dingin Australia PM Gillard Ngen

Australia Prime Minister thar Julia Gillard cun Brussel ih Asia-Europe ram hruaitu mi 43 pawl meeting onnak ah a tel ih Kawlram thu ih nawrnak nei dingih thusim dingin Amnesty Internation pawl cun an ausuahpi.

Kawlram ih hrilawknak an neih ding thu le minung covo nekcep tiih hminsin a sinak thu pawl hi meeting nak ih an thurel dingmi ah a tel.

Gillard ih a thurel dingih an duhsakmi thu ah Bangkok ih um Human Right Watch ih zingzoitu Sunai Phasuk cun “hrilawknak a um ah simaw um lo ah simaw Kawlram cu a kel a si ding’ tin a sim. ‘Cu ti a siruangah EU pawl in ziangruangah kan zate ih lungkimnak thuthlung ah an tuah tengteng dingmi thu hi tu rori ah kan nemhnget lo’ ti khal cun uar zet in a sim.

Mr Phasuk cun ASEAN ram pawl thawi kan thu lungkimmi thukam pawl cu kan hlawhtling lo, curuangah European ram pawl thawn kan din tlang lawngah nasa zet ih nawrnak kan tuah thei ding ti ka zum ti khal cun a sim ih “Thailand… Bangladesh le India ramri ih um mi pawl in ralkap pawl ih covo lawnnak le nekcep nak pawl cu a rampi acozah hnenih an pek awk theinak dingah an tuah hri lai ko ding’ ti khal cun a sim bet.

(Visited 41 times, 1 visits today)

Comments

comments

Comments

%d bloggers like this: