Kawlram Thu Kan Zingzawi Ding: Barak Obama

US president Barak Obama in Kawlram miuk cangvaihdaan pawl felfaite in zohfel a tum thlang thu a sim. Leitlun ram tin ukawkdaan le Kawlram miuk a tekhin tikah Kawlram miukdaan hi fellozet in a hmu ih Washington cun Kawlram hi leitlun pumhuap in ralbuainak a tuah tiah a phuang bet. Leitlun ram thenkhat in Kawlram hi bawmnak an pe duhnawnlo ih nasazet in an hrem thoknak a rei zet thlang. 

Ram that duhtupawl cun Kawlram hrilawknak hin zalennak taktak a suahpi lo ding tiah nasazetin hrilawknak an do kalh ve thung. An duhlonak langter nak ahcun Ralkap hotupawl cu an ralbawi sinak form tiang hlit in mipi bum an tum rero tiah an sim bet.

US, Britain le Australia cun Kawlram thu a rang theibikih rel ding ah an lungkim zo. Tui kum thlanawk cu free and fair ti asiko nan thawngtla 2,100 lenglo an um ih Pi Aung San Suu Kyi khal tello ding ah a lamzin an kharsak ruangah tui kum hrilawknak ding hi mibumnak a si tiah an sim. 

UN cun Kawlram miuk kekar daan zohfel ding ah EU nasa sinsin in a nawr. Kawlram thuhla pesuaktu Tomas Ojea ih simnak ah Kawlram acozah hin a mipi a that ih hremnak a phunphun a pek lawngsiloin duhlocingih rap tiang in a mipi a tuarter tiah a sim.

Leitlun ram (5) hnak ih tamcun Kawlram tuahthat ding ah an lungkim nan China le India cun nasazetin Kawlram hrang hmasawn theilonak ding ah diklo zet in an bawm rero lai tiah an sim tel bet. Kawlram tuahthat ding thu ah UN hotu Ban Ki-Moon cun Obama a ngen bet. 

Liamcia kum 1988 lai ih mi 3,000-6,000 hnak ih tam nunnak liamter ding ih thu petu General Than Shwe cu leitlun tual that pawl list ah telh a si. Cun, Kawlram hin daan lo ih pipelines a tuahnak thu leitlun a ti buai tiah an sim bet. Cun kan dung kum ih Buddhist monks siarcawklo le mipi tampi thah an si ruangah US president cun a thuhla hi a zingzawi rero tum thlang a si.

Comments

comments

One Comment

  1. Si hram seh. Sinan China le India hi an ngam ve vak lo a bang ee.

Comments

%d bloggers like this: