Kawlram Thlairah Ramdang Kuatman Siah Lalo Ding

BBC – Kawram ih hmuan thlairah leh theirah pawl ramleng ih zuarsuak mi ah siah pek a tul lo ding ti’n kawlram sumkiltu leh siahkhawnnak ih thuneitu pawl in thu an suah.

Hi thusuahmi hi March 1 ihsin August 14 tiang hman a si ding. Siah pek tullo ding ih an tuah ruangah kawlram ih hmuan, thlairah leh theirah cingpawl in hlawknak nasazet an ngah thei dingih an thathnem pi phah zet ding tiin Dumtuah lam ih minister Shain Bah Ngian cun thuthang latu pawl hnenah a sim.

Nikhua ih zirin thlairah tharsuah mi leh kuat mi ah Dawnfawh, Fanghma hmui, Banhla pawl hi ram lengah zuarsuah an si dingih, a reihlanah Hai pawl khal an rah dingih Hai khal kuatsuah a si ding. China ramah kuatnak lam a olsambik ruangah a tamsawn kuat suak a si theu ih Asia ram dangdang khalah kuat suah thei dingin acozah lam khalcun hmalaknak a nei vivo ding. Singapore khalah vanzam leh leilam khalin mal tete kuat thok a si ve zo.

(Visited 30 times, 1 visits today)

Comments

comments

Comments

%d bloggers like this: