Kawlram Thawngtla Pawl Thawngtlak Kum ThumSak

BBC | January 3

Kawlram in zalennak a ngahnak kum 64 a kim cam lawmnak cu Kawlram cozah lam cun caan tha ah hmang in Kawrlam thawnginn hmuahhmuah ih thawngtla pawl hmuahhmuah thawngtlak kum timal saknak ni sunglawi ah an hmang.

Kawlram president U Thei Sein cun Kawlram thawnginn hmuahhmuah ih thawngtla tang lai pawl hmuahhmuah cu thawngtlak kum thumsak an si thu January 2, 2012 ah phuang.

“Kawlram cozah thar cun thawngtla thenkhat cu kan dungnai te ah a rak suah zalen zo ih Kawlram thawnginn ih thawng kum reipi sung rak tang zo pawl, kum thumsak theih zumum lo pawl le ramthukhel ruangih thawngtla thenkhat tanglai pawl suah an si lo ah cun ram remthatnak thu ah siseh ram sung um hman pawl kawmkhawmawknak thu ah khal siseh hlawhtlinnak a um taktak thei lo ding” ti ah Amyota Hluatdaw palaik, Dr. Myat Ngia Nah So ih a rel.

Kawlram mipi, ramtukhel ruangih thawngtlak tuar sung le kua le Kawlram ih party tintian pawl cun Kawlram president U Thei Sein hnenah thawngtla pawl suah zalen ding ah ngennak an tuah nan ramthukhel ruangih thawnginn sung ih kum 65 um ding ih a thu relcatsak a si mi Ko Min Ko Nein vek hrangah cun kum 30 bak thawngtlak kum thumsak a si lo ding ruangah thawngtla thenkhat cu suak thei lo in thawnginn suangah an nun an hmang liam a zum um lai thu khal Dr. Myat Ngia Nah So cun a rel bet.

Kawlram parliament lam ih thuneitu thenkhat pawl cun Kawlram cozah le president hnenah thawngtla pawl suah zalen ding in ngennak an tuah mi cu parliament in thawngtla pawl suah an si le si lo ding thuah thuneihnak an neih lo ruangah an thu ngenmi cu ngaihtuah that sak leh ding lawng bak cu ti thei taktak an neih lo ruangah thawngtla kum thum sak ding cu cozah kut lawng ah a um lai thu khal a rel tel bet.

Comments

comments

Comments

%d bloggers like this: