Kawlram Thantar Simfiangnak

Kawl ram thantaar a thar, ralkap pawlih tuahmi thawn pehparawin simfiangnak: Thantaar puan phakpi ih a sawh duhmi cu rampi pakhat kan si ti langternak a si.

Cumi puanphaah par ahcun rong (color) pali an ret…

1… A tlun bikih aihre an hman/retmi cun Myanmar ram hi Buddhist ram kan si ih Buddhist si hrih lo, tlangpar mi zaten Buddhist ah kan cangter thluh ding tinak a si. Himi hi nasatein an cangvai ih an hlawhtling rero zo… Tusun ah Chin nauhak 2000 lenglo cu Phungkipawl in an inn ah la in tlawng an kaiter rero, an biaknak thu an zirh, an lu a kong, ih a hrek cu puansen an sinter thei rero zo.

2… A pahnihnak rong cu a hringmi a si, himi puan hringmi ih an sawh duhter ve mi cu Myanmar cu: Ralkap kut ah thuneihnak sangbik a um ringring ding tinak a si. Tu Thein Sein PM a tuan hnu khalah a hnatuan daan le cangvaihnak tete hi a fehsanmi ralkappawl in thlingthla in comment an pe phahphah theu. A dungah ralkap thuneihnak a umlai tinak a si cu.

3… A pathumnak rong cu a sen a si. Himi rong sen ih khihmuh duhmi cu Union of Myanmar hi thisen suak ih rak dinmi a si ruangah thisen a suak hnu lawngah himi ram a phel ding tinak a si.

4… Cule Thantaar laifang ih Arsi tumpi pakhat in a tumtahmi cu: Myanmar sungah a tir ahcun miphun tampi kan rak um nain tu ahcun miphun pakhat, Burma (Kawl) miphun, tong le nunphung lawng a um ding timi tumtahnak thawn an tuahmi a si. Ahlan ih Thantaar ahcun fangcang vui kulhtu Arsi pakhat lawng siloin Tlangpar mi (tang-yin-ta) zate kim in arsi thantaar ah rak ret a si dah, tu ahcun pakhat lawng tumzetin ret a si. Cui Arsi cu Thantaar puan phaak parih rong eng, rong hring le rongsen pawl parah ret a si. Himi arsi cu Buma/Kawl miphun hmuhsaktu a si vekin Myanmar ah Burma/Kawl lawngin biaknak (Buddhism), ralkap (politics) le cangvaihnak ah hmai kan hruai ding ti langternak a si. Himi tla tampi an hlawhtling zo kan ti thei.

Kan Chin mino sungah mai’ Chin tong, Chin ca, Chin hmin, Chin hla le Chin nunphung hnakin Burma/Kawl pawl ih tong, Ca, Hla, Hmin le Nunphung uar sawntu an karh vivo ih Chin ka si ti ding hnam dang lakah zahpi in ‘i am burmese (Burma lumio/ kawl miphun) ti awtu an tamzet zo. Curuangah ziangtin kiangkap ah thli a hrang ti kan theih lawngah kekardan thiam in a dik thei ding tiah duhsaknak thawn.

(Visited 66 times, 1 visits today)

Comments

comments

3 Comments

  1. Siangte Senhri says:

    Cuti a si le Chin mi ziangtin kan humhim aw ding,Kan Lam ah Pathian a t’ang,zumtu pawl daithlang lo in nasa zet ih thla kn cam ih kan t’an rual cu zo,

  2. stephenbawino says:

    Lei tlun mi hmuahhmuah ih theih mi ram pakhat a si ih thluak tha lo ram an ti ih Than thwe khal cu mi lungpa an ti mi a si.cu ti vek cu Pathian in thu a then leh ding a si.

  3. Vapualphun says:

    Lai Mino kan zaten ttuan vo kan nei hlei ce.
    A hmin men ih Khrihtian(Christian) ti lawng a ngah lo.
    Zum tu tak tak kan ttul.

    Pathian in Ram a din ih a siat suah. Pathian ih lungkimnak tle lo in zumtupawl par ah thil a thleng thei lo. Kan hngilh lo ding mi pakhat or kan thei ring ring ding a ttul mi cu”Chin mi or Tlang Par mi cu Kum khua a nung mi Pathian nung be tu Miphun kan si” ti hi a si. Kan Ram humhim nak ding ah a thu pi bik mi cu zumtu taktak le Pathian ttih zah tu tak tak hi a si. Ka Ram le Miphun cu Pathian kut sung ah a um ti hngilh hlah uh si.
    God remembers our Chin Land till today.
    Vapualphun
    vapualphun@gmail.com

Comments

%d bloggers like this: