Kawlram Ralkap In Phapianh Khawmi Pawl Thilri Phurh Fial (Paw-ta-suai)

Thuthanglatu : Salai Vapual | January 10

A cozah ralkap khahlahya 130 le Pansi pitusit pawlkom aw in Shan state, Southen Namkham pengsung, Phapianh   khawsungah Tuithla 4 sun nazi 12:00  hrawng ah an khaw sungmipawl cu duhduh in kuli  phurh an fial (Pawtasuai) thu thuthangca in a tarlang.

Khawlak mivak an hmuhmi pohpoh cu Kawlram ralkap cun an kai vivo ih mi tam zet cu kaih an tuar a si.  Cuvek ih Kawlram ralkap in an duhduh an kaih ruangah Phapianh khawsung thalai(Mino) pakhat khal kaih phang in a tlanih a tlanlai cu vansiat le malmak ah Kawlram ralkap in an rak hmuhngah ruangah an kahthat. Culawnghman siloin ralkap pawl cun  minu pawl khal an
kaibet tin  thuthang cun a tarlang bet.

Kawlram ralkap pawl cun  an duhduh ih meithal an celek in an duhduh an kah men duh tawk lo in  tlangval no tete hrekhatpawl le Nunaupathum cu  Pawtasuai  ah an hruai tiin an khawsung thalai pakhat in an Shan Phungki pakhat hnenah a sim.

Ralkap pawl khawsung an lut tinten Pawtasuai ding ih thalai an lak theu ruangah Phapianh khawpawl cu lusammang loin antlan in umnak runinn khal ah dai ten an um thei nawn lo. An tlanlai an hmuhmi hrekkhat cu hlaral ihsin an zumhman in ralkap pawl cun an kah ciamco raungah mipakhat ( Sai I thah) timi pa cu a hmunah a thicih.

Nupinu pahnih, Fala pakhat le Tlangval tleirawl pakhat cu zianghman cipcap loin an hruai vivo thu khal an Phungki  hnenah a sim bet. Pawtasuai tu tatzin hmin cu khahlahya (130) le Pansi-Pitusit pawl an si thu khal thutahngca in a tarlang. Culawng siloin 25 December zanlam ah Namhkham peng, Namhvuan ih um Lisu innsang khat ih Buh retnak Inn cu ralkap pawlin an
urkangsakthluh ih Pung 300 lenglo cu a kang ral thluh. Sumpai in Tingzakhat hrawng cu an sungral thluh tiin thuthangca in a tarlang bet.

(Visited 42 times, 1 visits today)

Comments

comments

Comments

%d bloggers like this: