Kawlram Ralkap In Kachin Naupai Kap That

Kachin News | January 26

Burma-Campaign-UK-logo

Burma Campaign UK (BCUK) cun January 11, tlawngkaini thum ah Kachin State ih minu naupai neilai cu Kawlram ralkap pawl in an kahthah thu a phuang.

Thuthangca in a tarlan dan ahcun Mangshang Ying Wang (Kachin minu) thlali ihupa naupai nei cu Ye Min Twi, Ko KO Latt le Colonel Htun Naing pawl ih hohami Battalion 58, Kawrlam cozah ralkap pawl in Hpakan Road ah Jaunary 11, nazi 9:0am ah an kap ih zato ah zohkhen a sihnu ih a thih thu BCUK in a tarlang. Minu dang, Gawlu Seng Hkawn khal an kahngah ruangah hliamhma nasa zet in a tuar ve ih zato ah zohkhen a si.

“ EU ih Baroness Ashton in Kawlram President U Thei Sein cu remthatawknak a fehpi vivo ruangah ‘mihnuaisen/miraltha’ tiih a rak kawh lai ah a ralkap pawl in le hriamhei keng cu rello minu naupai neilai rori an kap cu a si hi.” tiah Burma Campign Uk Manager, Zoya Phan cun a rel.

Zoya Phan cun, “Kawlram ah thuthang duhum le lungawium zetzet theih ding a um konan thuthangtha hnak cun thuthangsia a tam  sawn thotho lai. Tu hi ram dang dang pawl in Kawlram cu a sinak diktak an hmuh ih an theih fian sinsin theinak ding ah cun a tawk tuk ding.” tiah a rel bet.

‘Kum 2010, June thla ihsin Kawlram cozah cun Kachin Independence Organization (KIO) thawn kahawk-nak um nawn lo ding in remnak an rak tuah zo nan Kawlram cozah ralkap pawl cun mipi sualnak neilo le hriamhrei neilo 50,000 lenglo cu umnak nei lo in a tuah zo a si. Cuvek lakah Kawlram cozah cun ram dang ihsin hi harsatnak tawng pawl bawmnak a pek duhmi khal an siang cuang lo.’ tiah thuthangca in atarlang.

Zoua Phan cun, “ Kachin State sung ih kahawknak um theumi cu a tan sal leh zo. Harsatnak tawngtu pawl bawmnak le a um cuang fawn lo. Hivek thu in EU (Europian Union) cu Kawlram hnenah ralthuam an zuar mi pawl a zuar vivo lonak ding ih kamtu a si tengteng a tul. Hriamhrei keng le silo minu betbet an kap cu EU in teh ziang hmanah a ruat lo maw si? Kawlram in lailak-hrilawknak a neih dingmi khal ah hivek ih thil a cang vivo a si ahcun buainak nasa tak in a suak lai ding.” tiah a telh bet.

Kawlram ah hivek in dan lo tak ih mipi kaptu ralkap le an hotu pawl parah dan tatnak a um dahlo ih curuangah hmailam khalah a um vivo lai ding ticu leilung cumthelh lo tluk ih a fiangmi le rel theihmi a si.

(Visited 57 times, 1 visits today)

Comments

comments

One Comment

  1. Hi si ko. Kawlram ralkap theutheu hi cu aw. Kawlram a thleng dang lam aw kan ti ko nan thu hlolak an si ko.

Comments

%d bloggers like this: