Kawlram pursumnak tumbik China ah palai tuah

Kawlram pursum leilawnnak ih pawlkom tumbik The Union of Myanmar Federation of Chambers of Commerce and Industry (UMFCCI), cun an pawlkom pehtlai zung China ah tuah a tum ih China thawi pehtlai awknak le a inn hnen ram dangdang pawlkom Association of Southeast Asian Nations (ASEAN ) pawl thawi an laicin awknak a hngetkhoh sin theinak ding ih an ruahsan thu khal UMFCCI thu phuang tu cun thuthang lakhawm tu hnenah an sim.

Kawlram palai zung, “Myanmar Liaison Office” tin China thlanglam Guangxi Zhuang ih Nanning- ah an tuah zo ih, hi zung lawmnak le onnak cu a vei 6 nak Chin-ASEAN pursum leilawnnak le zohnuam hmuh tonawknak (trade fair) October 20-24 tiang ih neih ding mi ah tuah cih a si ding, ti khal cun an sim.

A vei nga (5) nak pursum leilawnnak le zohnuam hmuh tonawknak an tuahnak ah Kawlram in tthabik lawmman a rak ngah.

Cu tiih China thawi pursum leilawn lam ih rualremnak antuah rero laiah a inn hnen ram India thaw khal ih dawr awknak leh pehtlainak palai zung pawl a rei hlan ih din ve a si ding thu le, a inn hnen ramdang pawl thawi khal ih din vivo an tum thu UMFCCI cun an sim tel bet.

China zungsang ihsin an hminsin dan in, China-Myamar ih sumpai an tuahnak cu 2008 ah US dollar in 2.626 billion a siih tui kum ah 26.4 zatek in a kaisang. China ihsin Kawlram ih an thil kuat mi zat cu 1.978 billion dollars a si.

May 2009 tiang ah China in Kawlram ah lung mankhung laihnak ah 1.331 billion dollar, meisa ah 866 million, hriak ti ah 281 millian dollar le gas ah 124 million dollar pawl an pe lut.
Source: Xinhua

(Visited 35 times, 1 visits today)

Comments

comments

Comments

%d bloggers like this: