Kawlram Private Bank Pawl Ah Ram Dang Ihsin Sumpai Kuat Theih Cing Ding

Mizzima | January 28

Kawlram cozah cun private bank 4 pawl hnenah Malaysia, Singapore le Thailand ram sumpai thleng le dawn/ kuat(receive)siannak cu February thla ihsin a pek thlang ding thu thuthangca in a tarlang.

Kawlram cun hivek ih siannak a peknak san cu Asean ram member pawl thawn pursumleilawnnak a neihpi duh ruangah  asi ih private bank siannak an pekmi pawl cu Cooperative Bank, Kanbawza Bank, Asian Green Development Bank le Ayeyawaddy Bank pawl an si.

Malaysia, Thailand le Singapore ram ah Kawlram ihsin hnatuah dingih feh pawl cun Kawlram ah awlai ten an sum tuansuahmi an kuat thei thlang ding thu khal ‘Yangon Times’ thuthangca in a tarlang.

Cooperative Bank in Singapore ihsin sumpai kuat duh pawl a bawm ding ih, Ayeyawaddy Bank in Malayisa lam siseh Kanbawza Bank in Thlailand lam siseh, Asian Green Development Bank in Singapore le Malsyisa cu a pahnih in sumpai Kawlram ih kuat duh hrang bawmnak an pe cio thei thlang ding a si.

Kawlram cozah cun January 1 ihsin ramleng ih sumpai hawl pawl hrangah tax pek a tul nawn lo ding thu a rak puang zo ih Kum 2011 ihsin ram ding ihsin sumpai thleng thei ding in tawlrel rero zomi Bank 19 lak ihsin hi Bank 11(include Kanbawza Bank, Cooperative Bank, Myanmar Industrial Development Bank, Myawaddy Bank, Inwa Bank, Myanmar Oriental Bank, Asian Green Development Bank, Ayeyawaddy Bank, Myanmar Pioneer Bank, United Amara Bank le Tun Foundation Bank) pawl cu US dollar, Euro le Singapore dollar pawl thleng siannak khal a pe bet zo a si.

Thuthangca in a tarlan dan vek a si ahcun Kawlram sungah ram 9  bank representative zung(office) 15 : singapore ihsin 4, Bangladesh ihsin 2, Malaysia ihsin 2, Japan ihsin 2, Cambodia ihsin 1, Thailand ihsin 1, Brunei ihsin 1, Vietnam ihsin 1 le Tuluk ihsin 1) a um zo a si.

(Visited 38 times, 1 visits today)

Comments

comments

Comments

%d bloggers like this: