Kawlram Mipum Siarnak 2014 Ah Neitum

Kawlram acozah cun United Nations Fund for Population Activities (UNFPA) pawl ih bawmnak thawn mipum siarnak kum 30 liam hnu ah a veikhatnak a nei sal ding.

‘UN leh Kawlram thuneitu pawl khal thurel tlangnak an nei zo ih ziangti tuah ding, harsatnak pawl leh dik le famkimzet ih khawlkhawm dan pawl tla reltlangnak an nei zo’ tiin Kawlram thuthangca New Light of Myanmar cun a tarlang.

Kawlram acozah ih hminsin dan ahcun rampi mipum cu 1998 ihsin 2006 karlak ah zatek 2.02 ih pungzai in an hminsin. Kan dung kum October tiang ahcun mipum 60.38 um in acozah cun hminsin a ngan.

Yangon City Development Committee (YCDC) ih a hminsin dan ahcun Rangoon ih mipum zat cu kum 2011 ah 3.12 millian tiin a siih kum 2010 hnakin 1.15 million in a tam deuh.

1983 ah rampum hminsiarnak an rak neiih mipum 34.12 million um in, khawpi ah zatek 24.79 an um ih Yangon ah zatek 40 tluk um in hminsin a rak si.

CIA Factbook ih a hminsin dan ahcun :

Mipum
Kum 0–14 : 28.1% (mipa 6,091,220; nunau 5,840,968)
Kum15–64: 67% (mipa 14,162,190; nunau 14,347,751)
Kum 65 le tlunlam : 4.9% (mipa 916,702; nunau 1,151,706)

Kum bangrualten (Median age)
Zapikawm: 28.2 years (2009 est.)

Mipum than cahlam (Population growth rate)
0.783% (2009 est.)

Khawpi Vaihnak (Urbanization)
Khawpi ih mipum: rampi mipum ih zatek 33% (2008)
Khawpi vaih tamlam: zatek 2.9% (2005-10 est.)

Damsau lam (Life expectancy)
mipum zapi kawm: 63.39 years
Mipa : 61.17 years
Nunau: 65.74 years

Zirfimnak (Literacy)
(kum 15 tlun lam hmuahmuah siar, ngan thei thluh, theihpinak ih hminsinmi)
Mipum zapikawm : 89.9%
Mipa: 93.9%
Nunau: 86.4% (2008 est.)

Wikipedia ih hminsin a um dan ahcun March 1983 ih rampum mipum siarnak ah mipum 35,442,972 an um ti a si. Hi  mipum siarnak July 2003 ih CIA Factbook pawl ih an hminsinsalnak ahcun 47,758,180 in an titam sak. A dangdang ih an sim dan cio khalah Kawlram mipum cu million 50 ihsin 60 hnakih tam in an rak sim cio ve. China’s People Daily pawl ih an thuhlasimnak (report) ahcun Kawlram in 2007 ah mipum siarnak a hrek tluk a tuah ih kum 2009 kum cem ah a mipum 59.2 million an si. Kum tin zatek 2 tlukin an karh tiin thuhminsinnak (record) a rak tuah ve.

Kum 1930 dunglam ah hngahawknak tlak ih mipum siarnak a tuah thei nawn lo. 1940 kum ih a tuahmi mipum siarnak umsun khal 1942 ih Japan pawl ih ram an laknakah an ti siatsuah sak thluh. Himi hnulam ih mipum siarsalnak pawl cu ramsung mipi buainak leh ralkap uknak pawl thawn a rawi aw thluh ih laktlak ngai a um nawn lo.

2006 kum a cozah ih inn tin sumpai lakluhnak leh hmandan suhhnitnak (Household Income and Expenditure Survey ) a tuahnak ahcun azaten lailak lakin 4.72 a siih (khawpi 4.82, khawte 4.67) a si.

(Visited 42 times, 1 visits today)

Comments

comments

Comments

%d bloggers like this: