Kawlram : Metro Lamzin Tuahnak Ding Hrang Ram Dang In Bawmnak Pe Ding

Myanmarnewshub | Febuary 2

Kawlram sungah tlunlam le hnuailam tlangleng lamzin tuah asi theinak dingin ram dang pawl cun Kawlram acozahin tlangleng lamzin cu B.O.T (Built Own Transfer) an hman asiahcun bawmnak an pek tum thu thuthangca in a tarlang.

Kawlram acozah thuneitu pakhat cun, “ Kawlram ah hivek ih tlangleng lamzin in tuahsak cu ram  dang pawl cun an duh. Kan nih cun tuah an duh asi ahcun a cem tiang in tuahsak thluh kan duh. Cule, kan nih cun sumpai khal kan cem thei zik lo. Kan ram dinhmun in a zir lo tuk.” tiah a rel.

“Tlun lam le lei hnuai lam ih tlangleng(metro) lamzin cu B.O.T hmangih in tuahsak ngaingai a si ahcun an tuah theinak term a kim asi khal le Kawlram acozah le mipi hrangah cun zianghman sun ding kan nei lo. Kan hrangah cun hlawknak lawng tel ding a um.” tiah a rel bet.

“Hivek project hi cu a tuahtu in hlawknak an tello ding ti thei cingih an tuah theu mi asi. Cunan ram hrangah cun thansohnak le khawpi ti mawi tu a si.Curuangah kan nih khal in hivek in tuahsak thei ding asi ahcun kan duh ve tuk.” tiah a rel tel bet.

Kawlram sungih tlunlam le hnuailam tlangleng lamzin tuah asi theinak dingih bawmnak pe duhtu ram pawl cu : Tuluk, Rusia, Japan le South Korea ram pawl an siih asinan tu’ini tiangin tawlrel ngaingai a si hrih lo a si.

Hi ram pawl cun tlunlam le lei hnuilam tlangleng lamzin hmunpi cu Yangon ah tuan an duh ih Yangon le Kawlram khawipi, Naypyidaw lakah siseh Yangon-Mandalay-Naypyidaw; hi kawpi pathum lakah mipi in awlaisawn ih khual an tlawn theinak dingah bawm an duh thu thuthangca in a tarlang.

Kawlram sungah hivek ih tlunlam le hnuailam tlangleng lamzin tuah ngaingai ding asi ahcun lamzin kilometer 1  tuahnak ding hrangah dollor tan 10 lenglo cem a tul ding thu khal thuthangca in a tarlang bet.

(Visited 33 times, 1 visits today)

Comments

comments

Comments

%d bloggers like this: