Kawlram Lailak-hrilawknak Ah Hip-hop Hlasak Thiam Tel Ve Ding

Irrawaddy | January 19

Kawlram hip-hop hlasakthiam Zayar Thaw cun April 1 ih Kawlram cozah in lailak-hrilawknak a neih dingmi ah kum 2010 ih ex-General Thei Sein president si dingin a hrilnak hmun Naypyidaw, Pubba Thiri Township ihsin a tel ding thu thuthangca in a tarlang.

Zayar Thaw(32) hi ramthukhel ruangah thawnginn ah kum thum sung thlak a rak si zo ih Kawlram mipi hrangih theitawk in tan rak la rero theutu pakhat khal a si. NLD party cun Zayar Thaw cu an party aiawh ih lailak-hrilawknak ih teltu ding pakhat ah an hril ih Zayar Thaw cun January 18, tlawngkaini thum ah Pubba Thiri Township ihsin a tel ding thu a nem hnget zo a si.

Irrawaddy thuthanglatu pawl thawn an kawmawk-nakah Zayar Thaw cun, “ A tha theibik in ka zuam ding. Asinan ka titha ngaingai maw ti cu April 1 lawngah a theihtheih ding a si. Mipi in an vote in pek theinak ding ah ka zuam ve hrimhrim ding.” tiah a rel.

Kawlram in lailak-hrilawknak a neih dingmi ah Lower House le Upper House ah seat 46 a um ih seat 2 cu mipi punkhawmnak hmun(regional assemblies) ah a um a si. Kawlram parliament cu Kamlram cozah hruaimi Union Solidarity and Development Party member pawl in seat um lai hmuahhmuah an lak thluh cia ruangah mipi lam cun NLD in seat 48 an lak ding mi cu umzia ngaingai a neih thei an zum lo nan hi thu thawn pehparaw in Suu Kyi cun, “ Mai ram le mipi rian a duh ngaingaitu hrangah cun zaing vek ih tum ram khal a a mah lawng hman in a ti danglam thluh thei a si.” tiah a rel.

NLD party cun lailak-hrilawknak ding hrangah nonawn tam zet an hril mi kan zoh a si ah cun Suu Kyi in nonawn pawl thawn tanrual a duhnak le a rinsannak pawl hmuh theih a si.

(Visited 55 times, 1 visits today)

Comments

comments

Comments

%d bloggers like this: