Kawlram : Kum 2012-2013 Hrang Budget Relkawmnak Nei

BBC | January 22

Kawlram cozah cun January 19, tlawngkai nili ah Kawlram khawpi, Naypyidaw ih parliament ah Kawlram in kum 2012 ihsin kum 2013 tiang ih budget thuhla relkhawmnak an nei.

Theihthei cin ah cun Defense lam hrangah Kawlram cozah cun budget hmuahhmuah ih zatek 26 cu pek a si ding ih a tambik khal a si. Fimthiamnak lam hrangah zatek 4, hriselnak lam hrangah zatek 2, cozah building lamsaknak tulhai pawl saknak hrangah zatek 4 a si ding a si.

Kawlram cozah in fimthiamnak, hriselnak le building lam hrangih a hman dingmi sumpai cu defense hrangih hman dingmi thawn kan khaikhin a si ah cun a mal hleice nan kum dang hnak cun a tam sawn lai ruangah Kawlram cun thansohnak tampi a nei ti cu el a harsa ding a si. Asinan khawi tawk winci cu Kawlram cozah in budget a thum ding ih khawi tawk ih winci cu a kaisan ter ding ti cu theih fel a si hrih lo. Hi thuthawn pehparawin parliament lam cun thurelkhawm-nak an nei leh ding a si.

“Kawlram cozahpi cunbudget a remfelmi ah pursumleilawnnak lam hrangih thansohnak a neih theinak ding ah, pursumleilawnnak ih sumpai cangvaihnak lam ih hngetkhoh tak a si theinak ding le pursumleilawnnka lam ah caksin ih feh a si theinak ding pawl hrangih tumtahmi an neihmi ah Kawlram hrangah cun pursumleilawnnak lam ih thansohnak cu a poimawh bik mi a si vekin pursumleilawnnak hrang thansohnak a um theinak ding hrangih budget an tuah ding kei cun a poimawhbik in ka hmu.” tiah eco(commerce) cazirhtu U khin Mg Ngun cun a rel.

“An relfel hrihlo mi pawl kan zoh a si ah cun Kawlram cu pursumleilawnnak lam ah thansohnak ngaingai a neih thei nak chance a um lo a si.” tiah a rel bet.

(Visited 40 times, 1 visits today)

Comments

comments

Comments

%d bloggers like this: