Kawlram Khawtelam Țhansonak Hrang World Bank In US$400 million Cawih Ding

leilet
Kawlram ih khawtelam țhansonak hnațuan ding hrangah World Bank cun Myanmar acozah hnenah US$400 million a cawih ding thu WB ih directors pawlin an sim.

Atuih an cawih dingmi hi acozah thawih hnațuan tlangmi a-myo-tha dinhmun mipi dinnak hrampi tumtah sumrikhiah hrangah a vei 2nak sum a cawihnak ding a si. A vei 1nak ah US$ 80 million an rak cawih zo ih himi tumtah sumrikhiah hrangah US$ 480 million an cawih thlang ding thu WB cun an sim. Himi sum an cawhmi hi World Bank in a fa țhang um loih an cawihmi a si ih Kawlram acozah in kum 38 sungah a rulh thluh dingmi a si.

Acozah thawn țuantlangmi a-myo-tha mipi dinnak hrampi tumtah sumrikhiah cu pengțhen 15 pawlah a takin țuanhram an thok zo ih pengțhen 47 pawlah țuan dingin tumtah a si. Khawtelam ih rethei harsa luarkai tuk malter duh ah himi a-myo-tha mipi dinnak hrampi tumtah sumrikhiah hi kum 2012 ihsin an rak din thokmi a si.

Tufangte pengțhen 9 pawlih Khawte 1700 pawlah tidai ngah theinak, fimthiam zirnak tlawng, rinsantlak ih hngetkhohmi lilawn tipawl tawlrelsak an si ih tuih sum cawih betmi zoh tikah pengțhen 62 hrang daih ih karhzaiter dingin tumtahnak a um” tiin World Bank ih țuanvo neitu Mr. Ulrich Sachau in a sim.

Tuih sum cawihmi $400 million in pengțhen 62 ih um mipum 7million hrang tidai thiang ngah theinak, siivai ngah theinak, fimthiam zir theinak Lamzin, lilawn tipawl a tuahsak ding a si.

Kawlram ih um khawte berek pawl țhansonak ding hrangah hivek ih bomnak a um hi lungawiza ngaingai a si thu, atuih sum cawihmi in țhathnemnak tampi a suahpi ding ruangah a lungawi tuk thu sumhnam zuatnak ih khawtelam țhansonak lam hotu U Ung Myint cun a sim.

Atu a veihnihnak an hnațuannak ahcun tumtah sumrikhiahțek 1000 tlun um in mah le thiamnak lam cio ah țuan ding an si. A hlanih an rak țuannak an tikauhmi a si ih World Bank ih International țhansonak sumhrampi le Italy Acozah kom-awin an țuanmi a si.

Tuikum sungah World Bank in Kawlram cinthlaklam țhansonak hrangah US$100 million a rak cawih zo ih atu a-myo-tha mipi dinnak hrampi tumtah sumrikhiah hrang $400 million a cawih bet thawn tuikum sung rori ah World Bank in a veihnihnak Kawlram sum a cawihnak a si.

Kan dung kum 2014 lai ah Kawlram harhdamnak lam hrang le Irrawaddy tiva kilhimnak hrangah $200 million a rak cawih zo ih Kawlram ih țhansonaklam hnațuannak hrangah kum 3 sung (2015-2017) ah $ 1600 million cawih dingin World Bank cun a tiamkam.

Hrm – 7Day Daily

(Visited 61 times, 1 visits today)

Comments

comments

Comments

%d bloggers like this: