Kawlram Khawpi Yangon Ah Leihnuai Tlangleng Um Dingin Thlir

Kawlram acozah pawl cun ramdang mi pawlih bawmnak in leihnuai tlan tlangleng leh lilawn feh thei pawl sak ding ih tumtahnak an neih thu pawl cu Transport Minister cun manisun ah a phuang lang.

Aung Min cun ramdang company pawl thawn skytrain leh leihnui tlangleng pawl pursum tuahnak hrangah Yangon khawpi ah sak dingih thurelnak kan nei tiin thuthang latu pawl hnenah a sim. Naypyitaw hrang ahcun cuvek tumtahnak zianghman a um hrih lo ti khal cun a sim bet.

Yangon khawpi hi kawlram ih khawpi tumbik a siih Kawlram mipum million 60 lakin milai million 6 tluk hrawng an um. Tlangleng hi Bangkok leh Beijing ih tuahmi a si dingih Yangon khawpi hranglawng a si ding. Ram dangdangih company dangdang Singapore, Japan, Germany leh America pawl thawn khal kan rel tlang, ti khal cun a sim bet.

Reuters

(Visited 35 times, 1 visits today)

Comments

comments

Comments

%d bloggers like this: