Kawlram : International Airport 2 Tuah Tum

Myanmarnews.net | Febuary 20

Kawlram acozah cun ramsung ah International Airport 2 a thar ih tuah a si theinak dingah hmalaknak a neih rero lai thu thuthangca in a tarlang.

Kawlram acozah cun ram remthatawknak cu reipi sung cak zet in le hmasawnnak langngan ih hmuh theih in a nei vivo ih cuvek ih hmalaknak a neih vivonak ah ram dang thawn pehtlaihawknak a that ih Kawlram in hmasawnnak cak sinsin ih a neih theinak ding ah Kawlram sung aihInternational Airport 2 tuah a si ding thu ramsung thuthangca in a tarlang.

Hi Airport tuah a si theinak dingah Kawlram acozah cun Japan le Singapore ram 2 cu investment tuah ding in sawmnak a pek zo ih hi sawmnak cu Japan le Singapore acozah pawl in an pawm  a si ah cun Airport cu a reihlan ah tuah(sak) a si cing ding a si.

Airport pakhat sawn cu Hanthawaddy Internatioanl Airport tiih kawh a si ding ih Bago ah tuah a si ding a si. A dang sawn cu Dawei International Airport tiih khawh a si ding ih Dawei  tivapi kiangkap ah tuah a si ding a si. Cuhleiah Dawei ih aiport um ciami khal International Airport  asi theinak ding ah kum 3 sungah U.S dollor $4 million cem in tuah a si ding thu khal thuthangca in a tarlang bet.

Kawlram sungah  International Airport 3 le Airport dang 29 a um zo ih tu’i Airport thar an tuah dingmi cu tuah  asi ngaingai ah cun Kawlram cun pursumleilawnnak lam lawng siloin ram dang thawn pehtlaihawknak lam khalah hmasawnnak tam zet a nei thei ding a si.

(Visited 34 times, 1 visits today)

Comments

comments

2 Comments

  1. Dear Salai Zilthli,

    CT ah salai zilthli a hran cun mai zilthli a rak hni thei.
    CT thuthang nan daithlang deuah ahcun kan thi ko.

    Zilthli zuam nasa aw.

  2. Salai Zilthli kuah….
    A thok sal…

    Salai Zilthli a cawl nawnlo ding.
    Lairam ah a hrang ringring ding.

Comments

%d bloggers like this: