Kawlram In Aung San Suu Kyi Suah!

Kan duhdawtzetmi le ka thinlung sungih ziam theilo ih a caam ringring mi kan Nu Aung San Suu Kyi cu tuni ah ralkap uktupawl ih hren taangnak innpi ihsin lungawi soparten’ a suah fel thu leitlun thuthang tamsawn in a phuang.

Asuah veten mipi a sim hmaisabik mi cu “Kan tan rual a tul” timi a si. Kum 15 sung ralkap khuahkhirhnak ih a tangtu Suu Kyi a suah thu US president Obama le UN lubik Ban Ki Moon ih an theih veten an lungawinak thu leitlun mipi theih ding ah an tarlang cih.

“Daite um caan a um vekin tong caan khal a um ve, mipi kan lungrual ahcun kan tum kan thleng ngei ding a si”

Suu Kyi atcilhtu ziangmawtizat cun an angki dunglam ah “Suu Kyi kan dinpi” timi catlang tar in khawlak ah Amah hmuak ding ah mi thawngtel an aukio.  Suu Kyi cu ruahlopin mipi pawl hnen ah “Thusim duh in nei pang asile thaizing ah kan NLD headquarter ah rak ra uhla in sim uhla cutin louder speaker thawn mipi ka sim sawng ding” tiah capoh a tuah.

Cutiih capoh hnihsuak a tuah hnu ah thutak hmelpu zetin a tuahaw ih “daite um caan a um vekin tong caan khal a um ve, mipi kan lungrual ahcun kan tum kan thleng ngei ding a si” tiah a bet. Lai nu ka si ve ti aw in mipipawl ih kenmi pangpar pakhat a la ih a lu ah a tawn bet.

A hmun ih rak umvetu pawlih sim daanvek a sile, A hmuaktu pawl an tam tukih Suu Kyi hman thu reltheiloin rampi hla an sak ih mipi auaw cu khawri bangin a thang tiah an sim. Hivekih mipi lungawi sopar a hmuh tikah kum 15 hnakih tam a thinharnak mithmai cu lungawinak thawn a kekkuai tiah a hmutupawl cun an sim bet.

Leitlun ram hruaitupawl cun an lungawipinak ca an kuat. Ahleice in US president Obama a lungawibik ding ih zum a si. A lungawinak tongfang a langternak pakhat ahcun “Suu Kyi hi “a hero of mine” tiah a sim. Thuthang lakhawmtupawl cun ziangtivekin Suu Kyi a cangvai ding timi hi tuihnu ni reilote sungah kan thei ding tiah an sim.

(Visited 40 times, 1 visits today)

Comments

comments

3 Comments

  1. Kan pi Daw Aung San Suu Kyi, NLD Gen. Secretary cu 13.11.10 (5:15pm) ah House arrest thawng in ihsin Burma ralkap cozah tawrawt in a suahter zo ti thu kan thei cio ih, kei khal ka lung a awi ve nasa. Ziangahtile a inn hmai ih a mah rak hmuahtu mipi thawng 3/4 lai cu upatnak pe in le lungawi thu a sim bakah politics lesson a peknak a tongkamte kha uar um ka ti nasa. A sim mi cu, “tongkam hi a suah lo can a um ih, a suah caan khal a um. Tong caan ahcun dimten tong lo ding asi” ati. Mipi lungrualten hnatuan tlang ding khal a sawm.

    Daw Suu cu mi hoha le kaihruai a thiam lawng siloin a fimnak khal in a tlin, a pa Gen. Aung San vekin ram le miphun a duhdawt taktak curuangah a tongkam hin hmuar a neizet, Burma mipi 80’/. cun an rinsan, an duh an uartuk ih, ruangah SPDC pawl in an tih, an hua, an iksik theunak asi. A tumtah mi: Burma ram democracy ram thangso ih tuahthat hi asi. Curuangah democracy uknak a duhlotu SPDC milai pawlin Dipeyinn ih an rak tuahto dah vek khan thah an tum sal pang ding hi phan a um nasa.

    Amah cu zalentak in politics tuah, cangvai thei sehla, kan Burma ram cu Democracy ramtha pakhat ah a cangter thei rori ding ti cu ka zum dan asi ve.

  2. a va lungawi um ve. beisei nak sang tak nei phawt mai seh la tum a san ah cun beisei nak cang thiam lo hnak cun kan can a tha tho tho.

  3. Ka ni bik Suu Kyi a suahnak parih ka lungawi vekin, mihlothau le misaei Tan Swe le a ralkap pawlin ziang an tuah bet ding? tihi ka thin in ti har tuk bik a si!

Comments

%d bloggers like this: