Kawlram In Rohingya Pawl A Cohlang Thei Lo

KAWLRAM IN ROHINGYA PAWL A COHLANG THEI LO

Kawlram President Thein Sein cun Rohingya miphun pawl cu ramsung minung ah Kawl acozah in a cohlang lo ding a si tin Kawlram sungih um UNHCR tuanvo neitu pawl hnen ah July 11 ni ah a sim.

Kawlram sungih um UNHCR zungih bawibik Antonio Guterres le a palai pawl cun Rohingya pawl thuhla thawn pehpar aw in Thein Sein an va tonnak ah Thein Sein in tuvek in a rak simnak a si.

Rohingya pawl cu Kawlram minung ih cohlan an si lo hlei ah UNHCR kut sungih ap sawn dingin timtuah rero a si thu Thein Sein cun a sim bet. Kawlram sungih ummi Rohingya mipum 800,000 pawl hi Kawlram hrangah tihnungza an si tin khal a sim.

“Hi Bengali miphun pawl cu Kawlram zalennak a ngah hlan 1948 kum hlan ah Kawlram rak uk dahtu mirang pawl in lo hna tuanter dingih an kawhmi a si,” tin Thein Sein cun a sim. 1948 hlan ah Kawlram ih a thlengzo tu Bengali miphun nu le pa ih hrinmi santhumnak (third generation) Bengali pawl lawng hi Kawlram ih daanbu hin a mai rammi ah a cohlang a si.

Lamzin dang a um nawn lo a si ahcun Kawlram hin Rohingya pawl cu UNHCR kut sungah a ap dingih refugee camp khal a tuahsak ding, cun hi pawl lak a duhtu ramthumnak ram pakhatkhat in an lak thei a si tin Thein Sein cun a ti.

President Thein Sein ih a suahpi mi thu cu Rakhine Nationalities Development Party khal in a lungkim pi ve. Asinan Rohingya pawl ramthumnak ih kuat ding timi thu cu UNHCR cun a hnong. “Ramthumnak ih kuat timi cu a fumfe zetmi thuhla pakhatkhat ruangah mai umnak ram tansan tahratin ram dang ih a tlantu pawl hrang lawng ih tuahsakmi a si.

Hi [Rohingha pawl ih] thuhla cu cumi thawn a pehtlai aw lo tin,” tin UNHCR ih bawibik Guterres cun a sim.

Tuitum ih cangmi Rohingya Muslim le Arakan Buddhist pawl buainak ah minung 100 ziklai an thi ih minung 90,000 zik lai cu inn le lo tansan in an thekdarh aw theh. UN cun Rohingya miphun pawl hi leilung tlun ih hremnak a tuar tambikmi miphun sungah pakhat an si tin a phuang.

(DVB, July 12)

(Visited 109 times, 1 visits today)

Comments

comments

One Comment

  1. CHIN Duhdawttu says:

    Thein Sein, a ti thatuk. Kan Chin State mipum siar hnakih an tamsawn ih Rakhain Ram an long duh vek thotho in kan Chin Ram tiang hman an rak long duh leh pang ding. An dung ah Middle East ih zinan milian pawl tla an umbet. Tih a nung ngaingai mi a si fawn. Chin mi zate le Chin political party zate, le biaknaklam(a tul pang ahcun) Myanmar acozah thusuahmi lungkim pi ve thu leitlunpi theih in suah ding a si. Kan Christian biaknak tiang hman in siatter leh theimi khal a si. Kan Chin ram khawpi pawlih milian inn thatha neitu pawl lakah Rojinja pawl tel ding hi kan sian ding a si lo. Culo khal tampi a um lai nan, netabik ah Chin mi pawlin democracy kan duh ruang men ah Rohinja pawl zangfah a um, Kawl acozah a sual ti pang hlah uhsi. Thangharh ringring uhsi.

Comments

%d bloggers like this: