Kawlram in ASEAN fehtlangin bawmnak pawm ding

Xinhua : May 19, 2008
Kawlram acozah cun tlawngkai nikhat niih meeting nakah Association of Southeast Asian Nations (ASEAN) cu Nargis thlisia ruangih harsa tuar pawl cu a ramsungih bawmnak pekbawm tu dingah a sian thu Singapore’s Foreign Minister George Yeo cun thuthang lakhawmtu pawl a sim.

“Kawlram foreign ministers in ASEAN ih hruainak in bawmnak hrangih tuan tlangnak a lungkim” tiin Yeo cun ASEAN ram 10 pawl ih minister dangdang pawl hnenah, meeting thunetnak thu a puang.

Yeo ih a simbet nakah cun ASEAN ram ih sin sivai thiampawl le bawmnak pe bawm dingin hnatuantu ding pawl khal a sing a ti bet.

“Leitlun pumhuap ih Kawlram bawmnak ASEAN fehtlangih pek mi in ramthukhelnak lam a tibuai lo, hi hi Kawlram leitlun pumhuap ih a bawmtheinak lamzin a si, ti khal cun a ti.

ASEAN hin UN thawn a tuantlang dingih ASEAN-UN International Pledging Conference khal May 25 ah Yangon ah neih tum a si tiin Yeo cun thuthang lakhawmtu pawl a sim.

++++++++++++++++++++++++++++++++++++++++++++++++

Comments

comments

Comments

%d bloggers like this: