Kawlram Ih Sex Magazine Lar Vivo

4.-A-man-reads-a-copy-of-Nhyot-in-RangoonYANGON: Kawlram in thatlam a pan vivo hnu ah le, Pu Thein Sein ih cozah in thuthang lam khal ah zalennak a pek vivo hnu ah, Kawlram sung ih magazine suakmi lak ih hmaisabik  “Nhyot” timi thuthangca cun siar a hlawh ih, Kawlram mi tamtak ih siar paihmi magazine ah a suak.

Hi magazine hi thlatin suahmi asi ih, a sung ah hin nunau mipa nak lam thu lawnglawng a khat asi. Cutawk ah, a balzetmi le siar nuamlo lam cu a tel vaklo. Nunau le mipa a thupit zia, neihawk hnu ih sex a thupit zia le ihkhun thuthup timi pawl hi mipi ih siar hlawhzet mi pawl an asi.

Hi thuthangca thawn pehpar in editor tuantu Ko Oo Swe cun, “Kawlram sung ah zalennak tampi a um nan, nunau mipa sinak ih thupitzia le kan theih a tulzia hi mipi hin kan theifiang hrihlo. Curuangah, mi tamtak nunau mipa sinak ah duhduh in an um ih, nat thalo nei in sualnak tampi a um thlang. Curuangah, himi kan magazine hmangin, mipi tamtak hin theihnak an neih ding hi kan duhthusam asi.

Cumi lai ah, Kawlram Information Ministry cun hi magazine hnen ah ca a kuat ih, “Kawlram le hivek magazine cu a kaihawlo tuk asi, curuangah thu nan ruah a tul” ti in an cakuat ah cun an ngan. “Internet par ihsin le mi dangdang hnen ihsin duhumlo zetzet tongkam kan thei ko nan, lehhnu ah kan ram in hi ca a tul le a poimawh zia hi an theilai ding asi” ti in Ko Oo Swe cun a sim bet.

Myanmar Medical Association ih project manager Khine Soe Win cun, “Kan ram mino tamtak in sex thu theihnak kan neihlo raungah HIV / AIDS natnak hi kan ram ah a tam zet. Curuangah, hivek lam magazine kan ram in a neih hi kan lungawi ngaingai asi” ti in asim. Hi cabu a kawm ah cun kum 18 tlunlam lawng siar ding asi ti in an ngan.

Comments

comments

Comments

%d bloggers like this: