Kawlram Ih Lilawn Saubik Onnak Nei

BN | 3 January

Kawlram mipiih an hngah hlap zetmi Pakoku ihsin Ayeyawaddy tipi parih lilawn donmi cu tuah theh zo a siih mipi hman thei dingih a fehthok theinak dingih lampi onnak khal an tuah. Hi lilawn hi India-Kawlram-Thai ram pawlih lampi tuahthatnak lamih an lungkim tlangnak ihsin a rahsuah mi a si.

Pakoku Ayeyawaddy tiva parih lilawn hi a sualam 3.4 a siih mawtaw fehnak km 4 tluk siin tlangleng fehtheinak km 6.17 a si. Construction Ministry pawl ih hohanak in Kawlram mipi pawl ih tuah mi a si.

Hi lilawn hi December 2009 ihsin an sak thok ih kan dungzarh, zarhteni 30th December 2010 ah a onnak an tuah. Hi lilawn hi rampathum lungkimnak ihsin lilawn an dawn mi Ayeyawaddy tivapi tlunih lilawn palinak a siih a dang pawl cu Sinkham, Malun leh Yadana Theinga pawl an si.

Ram pathum lungrualnak ih tuahmi lampi tuahremnak hin India, Kawlram leh Thailan ram fehnak ding hrangih lampi  tuahthatnak nasa zetin an nei. Cumi pawl lakih an tuah theh zomi pawl ah Kalewa leh Tamu karlak ih an tuahmi lampi pawl khal a tel mi a si.

Ayeyawaddy tivapi parah lilawn 10 lai a liamcia kum 20 ah rak sak zo ih tui ansak tharmi pali thaw cun lilawn 14 lenglo an sak zo. Kawlram ah tivapi lilawn 18 an um ih cumi pawl cu Ayeyawaddy, Chinwin, Thanlin leh Sittoung tiva pi pawl parih an dawn mi an si.

Comments

comments

One Comment

  1. Zodaizilthli says:

    Vawikhat tal zawh ve a cak um e!

Comments

%d bloggers like this: