Kawlram ih hrilawknak dingah mipi phurrit a tuah sak

Kum (20) sungih dinhmun tha le thazang tulmi hmuahhmuah rak khawl ngah zotu ‘Ralkhap’ a cozah in ‘November 07, 2010’ ih hrilawknak ding a tuah tumnak ah mipi parah phurrit a tuah ti a si.

Election Commission cun hril thei dingih a dingtu (contenders) pakhat hrangah ‘Fee’ US$ 500 pe dingin thu pek a suah cu ‘a thum duh sal lo’ ti a si.

Kawlram ih tlawng saya pawl cun thla hlawh a tambik US$ 70 vial an ngah ih, ram sung mipi zatei’ kum khat sung sumpai ngah zat cu US$ 250 lawng a si lai ah acozah in US$ 500 a dil cu mangbangza ngaingai a si tiah ‘contender’ pawl cun an sim.

Kawlram cun ‘parliament house’ pahnih hrangah seat 1,162 lai a tuah ih, Union parliament hrang seat 498 le Regional parliament hrangah seat 664 a tuah.

Regional parliament hi ram sungah (14) a um dingih, cucu state (7) ah le Division (7) ah ret a si ding.

Acozah in hril awknak ding hrang dan a rak tuah zo vekin Seat 1,162 sungih seat 290 cu a ham zo ih, mipi covo cu tampi a thum sal ti a si.

Compiled by Salai Biak Chawn

(Visited 32 times, 1 visits today)

Comments

comments

6 Comments

  1. Saithantluang Tuallawt says:

    E…khai va mak duh awm ve le….

    Hi vek zah em em “Parliament house” pahnih hrangah 1,162 seat um ti ka rak thei lo. Nan ngan sual pang maw tin ka siar sal rero, ka thei sual pang sawn maw cu thei hlah. Mi dang nih an siar tam hlan ah ka theih mi sun sun te ka hun “Thailungliani” si lovin thai kual ve hnik e.

    Union Assembly (Pyidaungsu)

    Total Member of Parliaments MP 664(440pyithu hluatdaw+ amyota hluatdaw 224)

    Pyituh Hluatdaw (People’s Assembly) 440 MP

    Pyituh Hluatdaw (People’s Assembly) ah hin member Member of Parliament seats (440) a um ih Ralkap Cozah nih 25% a nei cia ruangah (25%440=110) mipi nih an hril ding zat MP cu (440-110) 330 (seats) MP a si ding. Ralkap cozah nih Pyituh Hluatdaw ah hin MP seats 110 an nei cia (25% seat of 440).

    Amyota Hluatdaw (National Assembly) 224 MP

    Amyota Hluatdaw (National Assembly) ah hin Member of Parliament seats (224) a um ih Ralkap Cozah nih 25% a nei cia ruangah (25% 224=56) mipi nih an hril zat ding MP cu (224-56) 168 (seats) MP a si ding. Ralkap Cozah nih Amyota Hluatdaw ah hin MP seats 56 an nei cia (25% seat of 224).

    State/Division/Regional MP (Mizoram ih MLA vek) 168 MP

    State or Division pakhat ah MP 12 neih ding a si. Burma ram ah State 7 a um ih State pakhat ah MP 12 ciar cun (7*12= 84) 84 MP a si. Division 7 a um ih Division pakhat ah MP 12 ciar cun (7*12=84) 84 MP a si. State (84) MP + Division (84) MP cu 168 an si ding.

    Chin State ah Township 9 kan nei nan state MP 12 kan nei thei. (Hi hi Pu Nothankap cun kan van thatnak a ti nan kan van thatnak a si lo ih kan vansiatnak sawn a si ti ca siar tu ka lo sim duh). Ziangah ti len …

    Burma ram ih State (Pyinee) 7 cu Tlangparmi lawng lawng umnak a si. Miphun pa (7) kan um ti nak tluk a si..Exp Chin, Kachin, Shan etc…Cui mi miphun 7 cun MP 84 (7*12=84) kan nei.

    Burma ram ih Division (Taing) 7 a um ih cu cu miphun pakhat Kawl pawl lawng lawng an si. Cui ruangah Division (Taing) 7 cu miphun pakhat Kawl lawng lawng cun MP (7*12=84) 84 an nei.

    Kan nih Chin State miphun pakhat lawngin MP 12 kan neih lai ah Kawl miphun pakhat lawngin MP 84 an nei a si cu. Cuvekthothoin Shan State miphun pakhat lawngin MP 12 an neih lai ah ……(hria thiams mai rawhssss) Curuangah State/Division Assembly ah cun Kawl pawl miphun pakhat MP 84 le Tlangpar mi miphun dang dang MP 84 an um ding ih zo VOTE si lal bik/tam ring ring ding cu RUAT MAI !!!!!

    News hi ka up date lo ve khawp mai ih Parliament House pahnih hrang seat 1,162 a um a si khal len thei cuang hlah khaww !!!!

  2. Saithantluang Tuallawt says:

    Dear, Chief Editor

    “(Kawlram cun ‘parliament house’ pahnih hrangah seat 1,162 lai a tuah ih, Union parliament hrang seat 498 le Regional parliament hrangah seat 664 a tuah. Regional parliament hi ram sungah (14) a um dingih, cucu state (7) ah le Division (7) ah ret a si ding. Acozah in hril awknak ding hrang dan a rak tuah zo vekin Seat 1,162 sungih seat 290 cu a ham zo ih, mipi covo cu tampi a thum sal ti a si.)” ….

    hi hi cu rem a tul in nan thei ve lo maw? Nan rem lo ta ceng a si len source te tla um thei se la. Hun rel le comment khal ka phuhrung aw deuh, siar dik thei tal (a dik le si thei dan ding) ka hawl ih ka tum rero nan ka thiamnak in a tlin lo si ding ( …) ….

    Hi vek hi ti sual pang a um thei zet, news paper ah cun nest issue ah “rem salnak” tin an back issue kha an rem sal men theu. Theih sual pang hi a um thei ih ti sual pang phei cu aw….pheh a ngah lo….thla 3 ah a ra lang thawk ih…..thla 9 ah cun a hung keuh suak mai….cu cu si nu nau ti sual pang cu !!!!!! (capo)

  3. Hi, Usaia

    Na comment-nak siar a nuam zet. A news ngai ngai hnakin na comment mi ah thazang ka ngah riai. Lungawi….

  4. EKHAI! nan comment ngan mi cu a va tha thei lawm man em! kan nih falam mi khal hi mi fim thiam le zir sang mi kan sinak a lang deuhdeuh in ka thei!
    lungawi um zet!lungawi tuk
    siar a nuam nasa…
    di riam um em si…
    in rawn hlawm theu uh law…

  5. Saithantluanga Tuallawt says:

    @Thangte ; In fak dernak parah ‘ Thank You’. Asinan, kei cu pawrh(fak) ci ka ka si lo e. Ziangahte len, mi in fak dernak hi ngai ngai hmang ka ti zel ih a pawi zet. Culen, keicu fak ka lawm tuk ih a dang tla ka run bet rero ding..

  6. Himi ca thawn pehpar in ruahnak tampi nan run ngan ih, lungawi umzet a si. Parliament seat 1162 a tuah timi khi ‘Associated Press’ (AP) news ihsin ka lak suahmi a si ih ‘nan run sim vekin thuthangca peh vivo mi ka hngak ko na’n tuni tiangah ‘rem salnak’ ca a suak hrih lo.

    Kawlram lenglam ihsin nganmi a si ruangah ‘Source’ a dik lo khal a si thei ih, AP news khal an palh a si thei. “Contenders are preparing for 1162 seats of parliament’ timi rori a si. Ram leng ihsin thuthang kan hawl tikah ‘ram sungih um pawl hnakin politics lam thei mal sawn kan si dingih, journalist pitling kan si lonak khal a lang ding.

    Thuthang siartu zate hnen ih kan sim bet duhmi cu ‘Media’ timi cafang hi ‘Bible’ vekin ‘Zum tlak’ an si thluh lo ih, cucu ‘mai’ hmuh tawnmi le siarmi ciar ah a thum aw ding. Ngan sual pang a si khal le, thinlung kauzet in,…

    upatnak le lungawinak thawn

    Biak

Comments

%d bloggers like this: