Ram Sung Hrilawknak Ziang An Bang Ding Aw?

Kum 20 sungih hrilawknak cu tuisun ah Kawlram cun mipizanlennak lampi karbak 7 a tuahmi vek in a nei. Hi hrilawknakah ralkap acozah pawl cun nehnak an co ding ti khal cu zumnak tampi a um, a sinan mipi zalennak ding lampi pakhat a zawh ve ih thleng danglam pakhat tal a um ding tin Kawlram thuhla zingzoi tu pawl cun an sim.

Junta, kawl ralkap pawl cun hrilawknak cu an tuah nan ziang tikah anehtu puannak an nei dingti an tarlang lo ih ‘a caan te ah’ a thleng ding ti cun an sim.

Ni dang bang lo zet in tuisun cu Kawlram khawpi Yangon khal dai thipthen ten a um. A sinan mi thenkha pawl cun mipiih rel thawm mi thulengvak um mi bomb a puak ding ti ruangih rak vak ngam lo khal an um ti a si.

Me thlanak hmun 40000 lenglo pawl hi zinglam 6 ihsin an ong ih zanlam 4 ah an khar sal tin AP thuthang cun a tarlang.

VOTING: Kawlram ah vote thla theitu mi 29 million lenglo an um. Party 37 ihsin mi 3071 pawl in zuam awknak an nei ding.

Mimal ih ding mi 82 an siih Rorel inn pi ih seat 1159 (494 le 665) cu an zaten an cuh aw ding.  Tlangpar mi pawl umnak  ih me thlaknak kuang an thiatbal salmi ah mi 1.5 million lenglo cu hnawl an si ding ti zum a um.

PARTY Pawl: Party tumbik pahnih pawl cu Union Solidarity and Development Party (USDP) le National Unity Party (NUP) an si.

USDP ihsin a zuamtu mi 1112 an um ih hi pawl hin rampi huap ih sumpai lamih bawmnak a tam ruangah seat ngah tambik ih nehnak co an zum.

NUP ihsin zuamtu 995 an um ih rorel inn pi pahnih kom ih cuh tumtu mi 443 an um.

A pathumnak ih party picang bik cu National Democratic Force (NDF) party an siih an ni pawl hi Aung San Suu Kyi ih party NLD party ih phel kuai mi pawl ih dinmi a si. A zuamtu mi 164 an si.

(Visited 46 times, 1 visits today)

Comments

comments

One Comment

  1. Salai Vanruah says:

    Thuhla in rak sim theitu parah kan lungawi.
    Tuizarh kan Kawhhran thuthangah kan rak telh ih thlacamnak tla kan rak nei.
    Lungawi tuk…

Comments

%d bloggers like this: