Kawlram Hrilawknak le India Raltlan Thurel Ding

Ramriih a um tu Raltlan pawl..

Burma Centre Delhi le Burma Center Prague pawl ih hoha nakin India khawpi New Delhi ah thuthang lakhawmtu pawl thurel khawmnak cu September 27 ah neih tum a siih Kawlram raltlan ziangmaw tizat an tel ding khal beisei a si.

Parliament member rak tlingzo tu le ramdang ih raltlan Dr Tint Swe hin Kawlram hrilawknak umtu dan thu simnak a nei ding ih Miloslav Sta ek, Czech Republic, Ambassador khal in a tel pi ding.

Hi thurelkhawmnakah Khonumthung ih zohfeltu Sangtea in Kawlram hrilawknak ih Chinmi thuhla relnak a nei ve ding ih, Sumit Chakravarty, Mainstream ih zohfeltu, Jyoti Malhotra senior editor le freelance Indian journalist khal a tel ve ding. Vijay Jolly, India ramkheltu khalin India thansohnak thawi pehparmi Kawlram thu relnak a nei dingih K. Yhome, Observer Research Foundation hin India ih um raltlan pawl zohnak lamle Kawlram hrilawknak thu pehpar a sim ding. Mizzima editor Soe Myint hin thuthang latu pawl ih mipi ruahnak an lakhawmmi pawl sim thannak le N. J Thakuria in Northeast India thuthang latu pawlih Kawlram hrilawknak ih an rak telve nak ding ruahsannak thulam relnak an nei ding.

‘An thupit dan zirin thuthang lakhawmtu pawl in thupi rel ding kan hril ih a hmaisabik ah Kawlram hrilawknak ding November 7 ih khiahfel zomi thu relnak kan nei dingih cumi thluh ah India ih Raltlan pawl thu relnak kannei ding’ tin Christoph Amthor, Burma Centre Prague cun a sim.

The Mail –

Kan thurelkhawm dingmi hin India ih thuthang lakhawmtu pawl le thuthang cazual tuahtu pawl hnenah India in Kawlram hrilawknak a neih ding thu ah telnak a neih theinak dingle thathnemnak a neih suahpi ding ruahsannak ih tuah tum kan si tiin Alana Golmei, Burma Centre Delhi khal cun a sim ve.

(Visited 55 times, 1 visits today)

Comments

comments

Comments

%d bloggers like this: